له فاریاب ولایته ولسي جرګې ته نوماندان وايي، د ۹ ولسوالیو لارو بندښت له امله په یادو ولسوالیو کې ټاکنیز کمپاینونه کولی نهشي.
د دوی په وینا، د دې ولایت مرکز (مېمنې) ښار پرته په ولسوالیو کې ورته ټاکنیز کمپاینونه ناشوني دي.
دوه نوماندان محمدحسن سرداش او احسانالله قووانچ وايي، د فاریاب ولایت ټولې ولسوالۍ د طالبانو په ولکه کې دي او د ځمکې له لارې هېڅ څارونکی یادو ولسوالیو ته لېږلی نهشي.
خو په فاریاب کې د ټاکنو کمېسیون ولایتي دفتر مسوول عبدالرحمان فرید سلاموطندار ته وویل چې د امنیتي ستونزو له کبله د ۱۱۱ ټاکنیزو مرکزونو له ډلې ۲۹ تړل شوي او ۸۲ نور یې فعال دي.
فرید له نوماندانو غواړي چې خپلې ستونزې له امنیتي چارواکو سره شریکې کړي.
بلخوا د فاریاب د والي ویاند عبدالکریم یورش هم په یادو ولسوالیو کې امنیتي ستونزې مني، خو وايي ډېر ژر به د چاڼیزو عملیاتو له لارې شته ستونزې حل شي.
د فاریاب ۱۹۰ زرو اوسېدونکیو د ولسي جرګې په ټاکنو کې د ګډون لهپاره نوملیکنه کړې، خو دا به وروسته روښانه چې د ټاکنو په ورځ به څو کسان د رایې ورکولو لهپاره د رایېاچونې مرکزونو ته لاړ شي.
