د غور لعلوسرجنګل ولسوالۍ ځېنو ځوانانو شاوخوا یوه میاشت مخکې په ټولنیزو شبکو کې د دهکده په نوم کتابتون جوړولو په موخه د «د کتاب ورکړه د پوهې ورکړهده» تر سرلیک لاندې شعار ورکړ او د کتابونو د راټولو لړۍ یې پیل کړه.
د کتاب ټولولو کمپاین غړي نجیبالله ناصري نن د دهکده کتابتون پرانېستنې مراسمو کې وویل چې په دوه دورې کمپاین کې وتوانېدل چې له ۷ زرو ټوکو زیات کتابونه او له بېلابېلو کسانو او بنسټونو نه ۳۰۰ زره افغانۍ راټولې کړي.
ښاغلي ناصري زیاته کړه چې ټاکل شوې د هېواد څو لېریو پرتو او جګړه ځپلو ولسوالیو لهپاره د کتابونو راټولو کمپاین پیل کړي.
د کتاب ټولولو کمپاین بل غړی عزیزالله مهدي وايي چې د لعل وسرجنګل ولسوالۍ مجهز کتابتون ته جدي اړتیا لرله او اوس به یو څه دا اړتیا راپوره شي.
د غور د والي ویاند عبدالحی خطیبي د دغه کتابتون په پرانېستنې خوښي ښيي او وايي، د ورته شان کتابتونونو جوړول فرهنګ غني کوی او د مطالعې دود ته وده ورکوي.
د غور په لعلو سرجنګل ولسوالۍ کې د کتابتون جوړولو په موخه د کتاب ټولولو کمپاین د تېرکال کب پر ۸ مه نېټه پیل شو.
