د جوزجان سیمهییز چارواکي وايي، چې تېره ورځ د دې ولایت د مرکز شبرغان په منګوتي سیمه کې د یوې ۲۰ کلنې پېغلې جسد پيدا شوی، چې شاوخوا ۸ ورځې مخکې نادرکه شوېوه.
د جوزجان ولایت د مقام ویاند محمدرضا غفوري رسنیو ته وویل، چې دا جلۍ نسیمه نومېږي او د «نواباد عربیه» کلي اوسېدونکي ده، چې څو ورځې مخکې د نامعلوم دلیل پر بنسټ نادرکه شوې او بیا وژل شوېده.
د ده په خبره، د یادې جلۍ جسد ملکي روغتون ته لېږدول شویدی.
د غفوري پر وینا، نسیمه کوژدن شوې وه او تر اوسه نهده معلومه، چې د چا لهخوا په مرموز ډول وژل شوېده؛ ځکه چې جسد یې په بشپړ ډول شړېدلی دی.
هغه په ټینګار سره وویل، چې د پېښې په اړه دقیقې څېړنې روانې دي او هڅه کېږي، چې دا موضوع د پرمختللي عدلي طب پهواسطه وپلټي.
