د افغانستان د ملي امنیت لوی ریاست وايي، د وسلهوالو طالبانو ۷ کسیزه ډله یې نیولې ده چې د کورنیو چارو وزارت پر پخوانۍ ودانۍ او د شاهامانالله خان پر روغتون یې د ځانمرګو بریدونو پلان درلود.
د ملي امنیت په خبرپاڼه کې راغلي دي نیول شویو کسانو په خپلو جرمونو اعتراف کړی دی.
د خبرپاڼې پربنسټ دغو ۷ تنو بریدګرو د پاکستان په چمن سیمه کې د اصحابالجنه، هاشمیه، اصحابالصفه، منصوري لښکر و عمري لښکر په مدرسو کې د ځانمرګو بریدونو ښوونه او روزنه لیدلې وه.
هدایت د عزیزالله زوی، جمالالدین د محمدالدین زوی، هدایتالله د جیلاني زوی، عزتالله د محمدلعل زوی، عزتالله د فیضالدین زوی، حبیبالرحمن د عظیمجان زوی او ضیاالحق د نظرګل زوی د ملي امنیت لهخوا نیول شوي او نومونه یې په خبرپاڼه کې راغلي دي.
وسلهوالو طالبانو تراوسه په دې اړه څه نه دي ویلي.
د ملي امنیت لوی ریاست داسې مهال د دغو کسانو د نیول کېدو خبر ورکوي چې په کابل ښار کې په دې وروستیو کې خونړۍ پېښې وشوې. په دغو پېښو کې ۳۰ تنه ووژل شول او ۴۰ نور ټپیان شول.
