د ملکي وګړیو د خوندیتوب او عدالت غوښتنې ډله یا CPAG وايي، د روان میلادي کال په فبروري میاشت کې د ملکي وګړیو مرګژوبله نږدې درې برابره کمه شوې ده.
یادې ډلې په یوې خپرې کړې خبرپاڼه کې لیکلي، دا ځل یوازې د هېواد په ۱۷ ولایتونو کې ملکيانو ته مرګژوبله اوښتې او پاتې ۱۷ نور ولایتونه له ملکي مرګژوبلې نه خوندي بلل شوي دي.
د دې ډلې د مالوماتو له مخې، تېره میاشت د هېواد په کچه ۱۰۶ ملکي کسان وژل شوي او ۵۹ نور ټپیان دي.
د ملکي وګړیو د خوندیتوب او عدالت غوښتنې د ډلې په باور، که څه هم د هېواد په بېلابېلو ولایتونو کې سړې هوا او ډېرو اورښتونه جګړهیيز ماموریتونه ورو کړي یا هم په ټپه درولي، خو د سولې پیل شویو خبرو اترو پر ملکي مرګژوبلې د پام وړ سیوری غوړولی دی.
یادې ډلې په خپله خبرپاڼه کې د ملکي مرګژوبلې د کموالي په اړه خوښي ښودلې، خو ټینګار کوي چې د جګړې ښکېل اړخونه باید د جګړې پر مهال د عامو وګړیو ژوند ته پام وکړي.
«کابل کې د ۲۰۱۸ کال پر مهال ۵۱۰ ملکیان وژل شوي»
طالبانو فاریاب کې دوه ملکیان دولت سره د همکارۍ په تور وژلي
طالبانو په میدانوردګو کې یو پولیس او ۶ ملکیان وژلي
هلمند کې د بهرنیو ځواکونو هوايي برید کې ۲۳ ملکیان وژل شوي
دوی دغه راز له وسلهوالو طالبانو، افغان حکومت او نړېوالو ځواکونو غوښتي چې د عامو خلکو ژوند ته د جدي پام ترڅنګ، افغانانو ته ډاډ ورکړي چې تر دې وروسته به د دوی په جګړه کې نه قرباني کېږي.
دا په داسې حال کې ده چې د امریکا او طالبانو استازي له تېرې سهشنبې راهیسې په قطر کې پر افغان سولې خبرې اترې پیل کړي دي. تر اوسه د دواړو لوریو ترمنځ د شویو خبرو او احتمالي هوکړو په اړه پوره جزیات نهدي خپاره شوي، خو د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد یادې خبرې اترې ګټورې بللي دي.
