دې وروستیو کې د سمنګان درهصوف پایین ولسوالۍ کې د طالبانو بریدونه زیات شوي او ان وسلهوال طالبان د دې ولسوالۍ مرکز ته نږدې سیمو کې هم حضور لري چې وخت ناوخته دولتي ځواکونو سره نښتې کوي.
د سمنګان ولایتي شورا مرستیال محمدهاشم سروري سلاموطندار ته وايي، د دولتي ځواکونو د مشرۍ ترمنځ د همغږۍ نهشتوالی او مدیریتي کمزورتیا لامل شوې، هر څو طالبان د دې ولایت پر ځېنو برخو خپل بریدونه زیات کړي.
د ښاغلي سروري په خبره، د امنیې قوماندان، د ملي امنیت رییس، د کنډک قوماندان او د عامهنظم قوماندان قطعاً خپلو کې هغږي نهکوي چې همدې ډېرې ستونزې پېښې کړېدي.
د سمنګان مدني فعال وفیعالله شارخ وايي، که افغان حکومت د دې ولایت امنیتي وضعیت ته پام ونهکړي، طالبان به دې ولایت کې پراخې سیمې ونیسي.
ښاغلی شارخ زیاتوي، د کورنیو چارو وزارت باید درهصوف پایین ولسوالۍ کې د طالبانو ځپلو لهپاره لاس په کار شي او په خبره یې اوس هم ځنډ نهدی شوی ځکه خو باید له نورو خطرناکه پېښو د مخنیوي لهپاره د عملیاتو ساحې پراخې شي.
خو د سمنګان امنیه قوماندان محمدجان دریاب سره لهدې چې دا خبرې ردوي خو وايي، دولتي ځواکونه توانېدلي چې د ښې همغږۍ له امله تېره اوونۍ حضرتسلطان ولسوالۍ کې ۲۰ وسلهوال ونیسي.
د درهصوف پایین ولسوالۍ ترڅنګ، طالبان دواب او حضرتذسلطان ولسوالیو او ان د سمنګان مرکز ایبک ښار ځېنو برخو کې هم حضور لري.
د سمنګان د ولایتي شورا یو شمېر غړي وايي، که درهصوف پایین ولسوالۍ ته امنیتي ځواکونه ونه استول شي؛ د طالبانو په لاس د ولسوالۍ د سقوط وېره شته.
ورته مطالب:
سمنګان کې طالبانو ۴ امنیتي ځواکونه وژلي، ۴یې ټپيان کړي او ۲ وړي دي
