.jpg)
د سردار محمد داودخان د روغتون مسوول ډاګټران وايي، چې د دغه روغتون په انګړ کې د یوې مور زېږون د دوی د نه کار له امله نه دي شوي، بلکې د ناروغې پیوازانو پر وخت سره د زېږون واټ نه و، موندلی.
د تېرې اونۍ د سه شنبې په شپه یوه حامله مېرمن هغه مهال خپل ماشوم د سردار محمد داودخان د روغتون په انګړ کې د نیا ته راوړ، چې د دغه روغتون د ډاکټرانو له لوري ځواب ورکړل شوی و.
په رسنیو او ټولنیزو شبکو کې د دغه زېږون انځوریزې وېډیو د خلکو او د ناروغې پیوازانو غوسه د ډاکټرانو د نه کار او نه مسوولیت په اړه راوپاروله.
خو په ورته وخت کې د دغه روغتون ډاکټرې رابعه غرشین او د ملي دفاع وزارت چارواکو په کابل کې یوې خبري غونډه کې وویل، چې دا یو “سوی تفاهم” و.
د ملي دفاع وزارت ویاند دولت وزیري وویل، چې د ناروغې پيوازانو د روغتون دویم منزل ته ورخلتي وو، خو لس ورځې مخکې د دغه روغتون د مېرمنو د زېږون برخه بل ځای ته انتقال شوې وه.
وزیري وايي، چې د دغې مېرمنې مېړه د ملي اردو یو افسر دی او کله چې غوښتل مېرمنه یې د زېږون نوې برخې ته یوسي، ماشوم یې په لاره کې دنیا ته راوړي.
د سردار محمد داودخان روغتون د ملي دفاع وزارت اړوند دی.
د دغه روغتون د چارواکو پر خبره، د دې پښې انځورونه او وېډیو د امنیتي کمرو په وسیله اخیستل شوې او د روغتون د ننه څخه رسنیو ته په واک کې ورکړل شوي ده.
.jpg)
د دغې مېرمنې مېړه ډګروال غزیز له حکومت نه وغوښتل، هغه کسان دې سخت مجازات کړي، چې د ده، د مېرمنې انځورنه یې رسنیو ته ورکړي دي.
د دغه روغتون د نظامیانو د روغتیا برخې مسوول عبدالرازق سیاوش وايي، چې په دې اړه یې دوه تنه تورن کسان نیولي دي.
د ازادو رسنیو د څار بنسټ رییس صدیق الله توحیدي سلام وطندار سره په مرکه کې دغه کار د ژورنالیزم د اخلاقو خلاف وباله.
