.png)
د کندوز ولایت امنیې قوماندانۍ وايي، چې د دشت ارچي ولسوالۍ امنیه قوماندان شاه میرزا له دندې لرې شوی او د کورنیو چارو وزارت له خوا کابل ته ورغوښتل شوی دی.
د دې ولایت امنیې قوماندان عبدالحمید حمیدي سلام وطندار ته وویل، هغه مهال شاه میرزا له دندې ګوښه شو، چې په ټولنیزو رسنیو کې د بچهبازۍ ویډیو خپره شوه.
د حمیدي په خبره، امنیې قوماندانۍ له دې مخکې هم پلان درلود، چې شاه میرزا د نه وړتیا له امله تبدیل کړي، خو په ټولنیزو رسنیو کې د بچهبازۍ محفل ویډیو یې د ګوښه کېدول لامل شوه.
د کندوز امنیه قوماندان وايي، تراوسه یې دشت ارچي ته نوی امنیې قوماندان ورمعرفي کړی نه دی.
د کندوز ځايي چارواکو پر وینا، ټولنیزو رسنیو کې د بچهبازۍ په خپرې شوې ویډیو کې له ورایه ښکاري، چې شاه میرزا دغه محفل کې ګډون لري او ناست هنرمندان د ده، په نوم سندرې وايي.
