د تخار ولایت د دشتکلا ولسوالۍ استوګن عبدالطیف وايي، مېرمن یې د دې ولسوالۍ روغتون د ډاکترانو نه پام او بېغورۍ له امله مړه شوې ده. دی وايي، ډاکترانو یې مېرمن بې برخلیکه پرېښې وه او له زېږون څو ساعته وروسته دغه پېښه رامنځته شوه.
د تخار عامې روغتیا رییس وویل، د پېښې څرنګوالي په اړه څېړنې روانې دي.
دی وايي، سره له دې چې، د هدا (د عامې روغتیا همکاره موسېسه) دفتر مسوول ډاکټر ولي راسخ وايي، مېرمن انیسه په روغتون کې د یوې قابلې د بېغورۍ له امله ژوند له لاسه ورکړی او دغه ملکه نومې قابله له دندې لېرې شوې ده.
دوه میاشتې مخکې هم دې ورته د تالقانو ښار په روغتون کې یوه پېښه رامنځته شوې وه. مسوولانو ویلي و، چې بېغوري او د داکټرانو نه شتون د دغې مېرمنې د مرګ لامل و او یاد روغتون له درېیو ورځو تړل کېدو وروسته بیاځلي فعالیت پیل کړ.
