علياحمد ۱۹ کلن او د دایکنډي ولایت اشترلې ولسوالۍ د خوشک کلي اوسېدونکی دی.
هغه د دایکندي په مرکز نیلي کې له حرفوي او فني زدهکړو وروسته څو برېښنایي الې اختراع کړېدي. پهدې الو او سستمونو کې پر وایفای سمبال بېسیمه څراغ، د مخابراتي شبکو انتونونو پیاوړتیا ته مرستندویه انتن، د مبایل چارچ لهپاره پاوربانک، د مسافرو له پاره مقناطیسي قطبنما، د مطالعې لهپاره څراغلرونکې پکه، برېښنایي ډایناموګانو، لایزري ابترازو او د موټر سلف لهپاره برېښنایي موتور شامل دي.
علياحمد د بېوزلي په سبب له زدهکړو تېر شو؛ خو له پوهنتونه پاتې کېدو یې شوق او استعداد ونه ځپلو او د خپلې علاقې د تعقیب لهپاره «د افغان ودې» په نامه حرفوي کورس کې یې حرفوي زدهکړې پيل کړې او بالاخره د ۷ میاشتول ه زدهکړو وروسته د دې ۸ الو په جوړولو بریالی شو.
علياحمد څو نورې برېښنایي وسیلې هم تر لاس لاندې لري، لکه داسې ماشین چې په زیرکۍ سره د موټرو ټکر مخنیوی کولی شي.
د دایکندي ولایت د اطلاعاتو او فرهنګ رییس محمدحسین سیرت وايي، د علياحمد اختراعګانو په اړه یې د اطلاعاتو او فرهنګ وزارت د ځوانانو معینیت ته خبر ورکړی او ټاکل شوې، علياحمد په ۳۰ سلنه تخفیف د برېښنا شرکت روزنیز پروګرام کې شامل شي.
د علياحمد استاد حبیبالله حسني وایي، د ټلوېزیون جوړونې ټولګي کې یې برېښنایي پرزې رانیولي او علياحمد ته یې ورکړي او هغه د پرزو له ترکیبه اته نوې برېښنایي وسیلې اختراع کړېدي.
علياحمد وايي، تېرکال د کانکور په ازموینه کې د بامیانو پوهنتون کرنې پوهنځي ته بریالی شوی هم و؛ خو د اقتصادي ستونزو له امله ونه توانېد چې پوهنتون ته لاړ شي.
دی د دایکندي له چارواکیو نه د برېښنایي فیزیک په برخه کې هیلو ته د رسېدلو لهپاره د لوړو زدهکړو د زمینې برابرولو غوښتنه کوي.
