د جوزجان ولایت درزاب ولسوالۍ د پولیسو ځای ناستي امنیې قوماندان امانالله سلاموطندار ته وویل، د داعش ډلې بهرنیو او کورنیو وسلهوالو پلان درلود چې د ولسوالۍ په امنیې قوماندانۍ، د ملي امنیت په قوماندانۍ او د اردو په قرارګاه ځانمرګي بریدونه وکړي؛ خو د امنیتي ځواکونو په یرغلیز برید کې دغه پلان شنډ شو.
د قوماندان امانالله په خبره، د امنیتي ځواکونو په برید کې د ځانمرګو بریدونو واسکټونو چاودنه وکړه او په پایله کې یې ۲۷ داعش وسلهوال ووژل شول.
دی وايي، په وژل شویو کې ۱۰ تنه اوزبیکستاني، ۶ تنه تاجکستاني او ۲ تنه فرانسوي وسلهوال وژل شوي دي.
د درزاب امنیې قوماندانۍ سرپرست زیاتوي، داعش ډله د ولسوالۍ ۲۰۰ مترۍ ته رالنډه شوې او پر ولسوالۍ د یو بل برید پلان لري.
د پېښې یو عیني شاهد سلاموطندار ته وویل، د داعش بهرني او کورني وسلهوال د خپلو واسکټونو چاودنې له امله وژل شوي دي.
داعش وسلهوالې ډلې تراوسه په دې اړه څه نه دي ویلي.
