پوره یو کال مخکې خوست کې د بي بي سي خبریال احمدشاه نامعلومو وسلهوالو ووژل و چې څو ورځې وړاندې د خوست والي د خبریالانو د ملي ورځې په مناسبت په جوړې شوې غوڼدې کې ویلي وو چې د خوست عامه کتابتون به احمدشاه په نوم ونوموي.
لهدې یادورۍ وروسته په ټولنیزو رسنیو کې د وژل شوي خبریال احمدشاه په نوم د کتابتون نومولو ګڼې غوښتنې وشوې چې نن د یوې غونډې پرمهال په رسمي ډول د خوست عامه کتابتون د احمدشا په نوم شو.
له بله پلوه خوست کې خبریالان پهدې خوښي څرګندوي چې د خبریالانو خدمتونو درناوی کېږي او ژوندي خبریالان په ډاډ سره لا رښتني کار ته هڅېږي.
دوی دا هم وايي چې حکومت دې یوازې د شهیدانو په نوم د واټونو او کتابوتونونو په نومولو بسنه نهکوي، بلکې ټینګار کوي چې د خبریالانو امنیت دې خوندي کړي.
د احمدشاه په نوم د عامه کتابتون له نومولو څو ورځې مخکې د بل وژل شوي خبریال سلطانمحمود خیرخوا په نوم هم د ماشومانو روزنتون ونومولو شو.
د خوست والي ژمنه کړې چې په خوست کې به د بل وژل شوي خبریال میوند په نوم هم یو ښوونځی ونوموي.
ورته مطالب:
د نظرپوښتنې پایله: ښځینه خبریالانې په هیڅ ځای کې خوندي نه دي
