د غزني د امنیې قوماندانۍ امنیت امر رمضان علي محسني وايي، بېګا وسلهوالو طالبانو د خواجهعمري ولسوالۍ پر ودانۍ او ګڼ شمېر کليدي پوستو ډلهييز بريدونه کړي چې د خواجهعمري ولسوال او امنیت امر په ګډون ۱۴ دولتي ماموران پهکې وژل شوي او ۱۰ نور ټپيان شويدي.
د غزني امنیت امر زیاتوي، دغو بریدونو کې ۴۰ وسلهوال طالبان هم وژل شوي.
د غزني امنیه قومندان جنرال محمدزمان وويل چې پهدې جګړه کې د ولسوالۍ يوه برخه سوځېدلې؛ خو د ولسوالۍ د سقوط خبره ردوي.
د غزني امنیه قوماندان جنرال زمان دا خبر تاییدوي او د طالبانو د مرګوژوبلې ترڅنګ د خواجهعمري ولسوال او امنیت امر په ګډون د ولسوالۍ او ملي امنیت یو شمېر کارکونکيو د وژل کېدو خبر ورکوي.
نوموړی وايي، د یوه راکټ لګېدو له امله د ولسوالۍ ودانۍ اور اخېستی.
د ده په خبر، د پېښې ځای ته امنیتي ځواکونه رسېدلي او وضعیت د دوی په کنټرول کې دی.
بلهخوا ولسي جرګه کې د غزني استازي محمدعارف رحماني د افغان امنیتي ځواکونو د قربانیانو شمېر ۱۵ ښيي. دی هم وايي چې پهدې پېښه کې د خواجهعمري ولسوال، د استخباراتو مدیر او د امنیې قوماندانۍ مرستیال وژل شويدي.
وسلهوالو طالبانو تر اوسه پهدې اړه څه نهدي ويلي.
