د افغانستان د خلاصون عالي شورا وايي، د دې شورا مشر مولوي سید اکبر آغاء وایې، چې د حکومت او وسله والو طالبانو ترمنځ د سولې رامنځته کېدل ولس له سترو ننګونو سره مخ کړی دی.
دغه شورا چې د یونیم کال راپدېخوا د مرکز په ګډون په بېلابېلو ولایتونو کې فعالیت کوي نن شنبه (۲۰۱۵ زېږدیز/ مې ۲۳) په کابل کې له ۳۴ ولایتونو څخه د خپلې شورا استازي راغوښتي و.
د افغانستان پر وړاندې خطرناکو مفکورو مخنیوی، توکمیز، سمتي اوژبني اختلافاتومخنیوی، د زده کړې د کچې لوړول دغه شورا یې خپلې موخې بولي.
اکبراغا زیاتوي، چې کله ولس یو موټي شي، نو بیا هغوی د تحميلي کار وړتيا هم پېدا کوي.
نوموړي وايي، چې له دې وروسته به د ننګوونو پر وړاندې چوپه خوله نه پاتې کیږي.
د افغانستان د خلاصون عالي شورا مشر زياتوي، چې په افغانستان کې به خپله ونډه اخلو او نورو خلکوته به هم ونډه ورکوو.
د بغلان ولایت څخه یو ګډونوال او د دې شورا غړی مولوي محمد قول د شته ستونزو سترلامل یو شمېر دیني عالمان وبلل او زیاته یې کړه، چې له هېواده بهر یو شمېر افغان دیني عالمان پر کورنیو د یني عالمانو د جګړې مشروعیت فتوا ورکوي او د لته عالمانو بیا پرهغوی د وژنې فتوا ورکوي.
ښاغلی محمد قول وایې بې پري قومي مشران او د یني عالمان شته ستونزو ته د پای ټکی اېښودلای شي.
د غونډې ګډونوالو له دیني عالمانو غوښتنه وکړه، چې د حکومت سره په سیاست کې اوږه په اوږه و دریږي او له دې وروسته دې مذهبي اختلافاتو ته لمن نه وهي.
