نن سه شنبې (د ۲۰۱۵م زيږديز کال د مارچ ۱۷ مه) د جوزجان ولایت په قرقین ولسوالۍ کې د لاریون پر مهال ۴ تنه وژل شوي او ۱۵ نور ټپیان شوي دي.
دغه لاریون د افغانستان او ترکمنستان پر پوله د ساتونکو له لوري د تاوتريخوالو ډکو کړنو په باب شوی وو، چې اوس هم دوام لري.
له لاریونوالو یو تن جمعه مراد له سلام وطندار سره په ټېلفوني خبرو کې وویل، چې د قرقین ولسوالۍ اوسېدونکي له څو کالو راهیسې د (شيرين بویه) په نوم ګياه راټولولو لپاره د ترکمنستان پورې غاړو ته ځي.
دوی وايي، چې د دواړو لوريو د پوله ساتو ځواکونو له لوري له وهلو او ټکولو سره مخ کېږي.
ښاغلی مراد وايي، چې پر همدې دلیل سلګونو تنو لاریونوالو د قرقین ولسوالۍ پر ودانۍ حمله وکړه.
نوموړي همدا راز زیاته کړه، تر هغه چې یې مسولان غوښتنو ته پاملرنه ونه کړي، خپلو لاریونونو ته دوام ورکوي.
خو عبدالرحمان محمودي د جوزجان مرستیال والي سلام وطندار ته وویل، چې د په لاریونوالو کې وسله وال مخالفان هم موجود وو.
ښاغلي محمودي وویل، چې د ستونزې په اړه د یوې حل لارې په پيدا کولو بوخت دي.
قرقین د جوزجان ولایت هغه ولسوالي ده، چې د امو سیند پر غاړه پرته ده او هر کال د امو سیند په زیاتېدو سره د دغې ولسوالۍ زیاتې کرځمکې هم له ځانه سره وړي.
نن سه شنبې (د ۲۰۱۵م زيږديز کال د مارچ ۱۷ مه) د جوزجان ولایت په قرقین ولسوالۍ کې د لاریون پر مهال ۴ تنه وژل شوي او ۱۵ نور ټپیان شوي دي.
دغه لاریون د افغانستان او ترکمنستان پر پوله د ساتونکو له لوري د تاوتريخوالو ډکو کړنو په باب شوی وو، چې اوس هم دوام لري.
له لاریونوالو یو تن جمعه مراد له سلام وطندار سره په ټېلفوني خبرو کې وویل، چې د قرقین ولسوالۍ اوسېدونکي له څو کالو راهیسې د (شيرين بویه) په نوم ګياه راټولولو لپاره د ترکمنستان پورې غاړو ته ځي.
دوی وايي، چې د دواړو لوريو د پوله ساتو ځواکونو له لوري له وهلو او ټکولو سره مخ کېږي.
ښاغلی مراد وايي، چې پر همدې دلیل سلګونو تنو لاریونوالو د قرقین ولسوالۍ پر ودانۍ حمله وکړه.
نوموړي همدا راز زیاته کړه، تر هغه چې یې مسولان غوښتنو ته پاملرنه ونه کړي، خپلو لاریونونو ته دوام ورکوي.
خو عبدالرحمان محمودي د جوزجان مرستیال والي سلام وطندار ته وویل، چې د په لاریونوالو کې وسله وال مخالفان هم موجود وو.
ښاغلي محمودي وویل، چې د ستونزې په اړه د یوې حل لارې په پيدا کولو بوخت دي.
قرقین د جوزجان ولایت هغه ولسوالي ده، چې د امو سیند پر غاړه پرته ده او هر کال د امو سیند په زیاتېدو سره د دغې ولسوالۍ زیاتې کرځمکې هم له ځانه سره وړي.
