نن له غرمې مخکې د فاریاب په مرکز میمنې کې د یو ترور شوي افسر کورنۍ او لسګونو کسانو د هغه د موضوع د تعقیب او عدالت په پار لاریون وکړ.
لاریونوال وايي چې د ترور شوي افسر او د هغه د ورور قاتلان معلوم دي او په منطقه کې اوسېږي، باید ونیول شي او د قانون منګولو ته وسپارل شي.
د ترور شوي افسر پلار محمداشرف وايي چې دوه زامن یې پرون په سیمه کې د یوې غیرمسوول وسلهوال قوماندان له لوري په میمنې ښار کې ووژل شول. دی له اړوندو ارګانونو د قانوني اقدام غوښتنه کوي او وايي، که اقدام ونهشي خپله به لاس په کار شي.
د فاریاب مرستیال والي عبدالمقیم راسخ وايي چې ولسمشر محمداشرف غني ورته په مستقیم ډول هدایت ورکړی چې د ترور شوي افسر او د هغه د ورور موضوع تر نن ماسپښينه پورې واضحه کړي او بېرته ولسمشرۍ ماڼۍ ته معلومات ورکړي.
ښاغلی راسخ همداراز زیاتوي، دې قضیه په اړه تر اوسه یو تن نیول شوی او د څوو نورو تنو د نیولو په هڅه کې دي.
دا افسر او ورور یې پرون ماښام د میمنې ښار د اتمې ناحیې په سیمه کې د غیرمسوولو وسلهوالو له لوري ووژل شول.
