د بلخ ولایت دهدادي ولسوالۍ ځېنو ښوونکیو د ولایت مقام مخې ته اعتراضي غونډه کې وویل، د ۱۳۹۶ کال لیندۍ میاشتې معاشونه یې نه دي ورکول شوي.
اعتراض کوونکي وايي، د بلخ په پوهنې ریاست کې د اداري فساد او وظیفوي غفلت له امله د ۱۲ ښوونځیو د ښوونکیو معاشونه تراوسه ورکول شوي نهدي.
د محمد محسن په نوم یو ښوونکي وویل، د پوهنې ریاست ورته ویلي دي چې د لیندۍ میاشتې د معاش په بدل کې دې د غبرګولي میاشتې له معاشه تېر شي.
ځېنې نور بیا وايي چې د پوهنې رییس د اعتراض کوونکیو ښوونکیو په مقابل کې مسلحانه برخورد کړی دی او په بې احترامۍ یې له دفتره ویستلي دي.
د بلخ د پوهنې رییس صبغت الله مستقیم په دې اړه له خبرو کولو ډډه وکړ؛ خو د پوهنې ریاست مالي مسوول سید مسیر وايي، دوی د ښوونکیو د اعتراض موضوع د پوهنې له ریاست سره شریکه کړې ده خو د مالیې وزارت د نه همکارۍ له امله تراوسه معاشونه نه دي اجرا شوي.
د مسیر په وینا، د پوهنې ریاست د ښوونکیو د معاشونو له کبله ۷۳ میلیونه افغانۍ باقي دی. وايي، یوازې دهدادي ولسوالۍ نه بلکې د ځېنو نورو ولسوالیو د ښوونکیو معاشونه هم نه دي ورکړل شوي.
د پوهنې ریاست مالي مسوول وايي، که د ښوونکیو د لیندۍ میاشتې معاشونه په یوځايي ډول ورکړل شي، خو ریاست بیا د ښوونکیو د غبرګولي میاشت د معاشونو ورکړې توان نه لري. وايي، هڅه کوي د ښوونکیو معاشونه په قسط وار ډول ورکړي.
