افغانستان کې د بشر د حقونو خپلواک کميسيون وايي، د بلخ په شولګرې ولسوالۍ کې د طالبانو له لوري د ۸ ملکيانو برمته کول او بيا د هغوی وژل د بشر د حقونو ښکاره نقض او جنګي جنايت دی.
بلخ کې امنيتي سرچينو د چهارشنبې په ورځ د حمل مياشتې په شلمه نېټه وويل چې طالبانو د شولګرې ولسوالۍ «جرهای نهر» سیمې نه ۸ ملکيان تښتولي او وروسته یې په ډزو وژلي دي.
اوس مهال د بشر د حقونو کميسيون وايي، په دې ملکيانو کې ۳ يې ماشومان وو چې یو ماشوم يې ټپي شوی دی.
له ياد کميسيون نه په خپره شوې خبرپاڼه کې د ملکيانو وژنه غندل شوې او د طالبانو ياد کار يې جنګي جنايت ياد کړی دی او يو ځل بيا يې د دولت له مخالفو وسلهوالو غوښتي چې د بشر حقونو ته درناوی وکړي او د بېګناه کسانو او ملکيانو له وژلو ډډه وکړي.
طالبانو تر اوسه پورې په دې اړه رسنيو ته څه نه دي ويلي.
ياد کميسيون همداراز له حکومته غواړي چې د هېوادوالو د امنيت په ساتلو کې جدي ګامونه پورته کړي.
په دې تړاو:
