د امریکا اوهایو ایالت د "سینسیناتي" سیمې په یو نایټ کلب کې د نامعلومو کسانو لهخوا ډزې شوي، چې په پایله کې يې ۱۴ تنه ټپيان شوي دي.
برید د امریکا پر وخت نږدې سهار مهال شوی دی.
د امریکا پولیس وایي، چې د بریدګرو په اړه څيړنې روانې دي.
دا په داسې حال کې ده، چې هر کال په امریکا کې د ازادې وسلې گرځېدو منعې د قانون له تصویبېدو څخه د متحده ایالاتو د بېلابېلو ډلو لهخوا مخنیوی کيږي.
د یوې څېړنې پر بنسټ، هره ورځ په امریکا کې د غېر قانوني وسلو د شتون له وجې ۷ ماشومان او ځوانان وژل کيږي.
د معلوماتو پر بنسټ، يوازې په ۲۰۱۱ میلادي کال کې ۳ زره تنه، چې ماشومان، ځوانان او ښځې پهکې شاملې دي د ډزو له امله په امریکا کې وژل شوې دي.
د راپور پر اساس، یوازې په ۲۰۱۶ میلادي کال کې د امریکا په ۳۰ ښارونو کې جرمونه د پخوا په نسبت زیات شوي دي.
واشنګټن ډيسي کې، چې د امریکا پلازمينه ده هم تېر کال په کې ۱۰۵ تنه وژل شوي وو.
