.jpg)
د ټاکنو خپلواک کمېسیون شاوخوا له دوه کالونو وروسته د ولسمشرۍ ماڼۍ د ټاکنو پایلې اعلان کړې.
د کمېسیون دغو چارواکو وویل چې د ۱۳۹۳ کال د ولسمشرۍ ټاکنو د نهايي پایلو ځڼدولو علت د هېواد ملي ګټې وې چې دوی په پام کې ونیولې.
د ټاکنو خپلواک کمېسیون د نن (چهارشنبه) ورځې اعلان شوې پایلې ښيي، چې د افغانستان اوسنۍ ولسمشر محمد اشرف غني د ۵۵،۲۷ رایو په اخیستلو سره د ولسمشرۍ څوکۍ او عبدالله عبدالله د ۴۴،۷۳ رایو په اخیستلو سره د اجرایه ریاست په څوکۍ ټاکل شوي دي.
نورستاني مني، چې د ټاکنو د پایلو ځنډول د ټاکنو د قانون او اساسي قانون سره په ټکر کې دي، خو دی وايي، چې دغه کار یې د هېواد د ملي ګټو له پاره کړی دی.
دا په داسې حال کې ده، چې اجرایه رییس د ټاکنو له پیل نه د دغه کمېسیون له جوړښت سره مخالفت درلود.
کله چې ټاکنې دویم پړاو ته لاړې اجرایه رییس ټاکنې له درغلیو ډکې وبللې.
له دې ټولو جنجالونو سره سره د نړیوالې ټولنې او د امریکا په منځګړتوب د ملي یووالي حکومت جوړ شو.
د ملي یووالي حکومت په لومړیو کې ژمنه وکړه، چې د ټاکنو په خپلواک کمېسیون کې به بنسټیز سمون راولي.
.jpg)
ولسمشر د ټاکنو خپلواک کمېسیون کې د سمون له پاره فرمان ورکړ، خو د ملي شورا له خوا دغه فرمان رد شو.
په دې اړه د سیاسي چارو شنونکی یونس فکور وايي، چې ولسمشر غني د ټاکنو خپلواک کمېسیون له موجوده جوړښت سره هیڅ ستونزه نه لري او یواځې اجرایه رییس د بدلون غوښتونکی دی.
لطیف نظري د سیاسي چارو بل شنونکی دی. نوموړی وايي، چې د ملي یووالي حکومت مشران د ټاکنو خپلواک کمېسیون په بنسټ کې د سمون راوستلو له پاره هیڅ هوډ نه لري.
دی وايي، چې دوی هڅه کوي، تر څو په دغه کمېسیون کې خپل کسان ځای پر ځای کړي.
د نظري په خبر دغه کسان به د موجوده کمېشنرانو په پرتله زیات فاسد خلک وي.
د ده په باور دغه ډول کارونه د ولسي جرګې ټاکنې او د اساسي قانون د تعدیل له پاره د لویې جرګې رابلل ناشونې کوي.
دا په داسې حال کې ده، چې د ټاکنو خپلواک کمېسیون د ۱۳۹۵ کال د تلې ۲۴ د ولسي جرګې د ټاکنو ڼېټه اعلان کړې ده.
