د عالمانو شورا مشرتابه پلاوي د افغانستان روانې جګړې په تړاو د پاکستان د جمعیت علما رییس مولانا فضل الرحمان څرګندونې غیرمسوولانه وبللې.
د افغانستان د عالمانو شورا په کابل کې د خبري غونډې پرمهال له پاکستاني عالمانو وغوښتل د اسلامي نړۍ د عالمانو په حضور کې دې د افغانستان له عالمانو سره مناظره وکړي.
د دې شورا ویاند مولوي محمد قاسم حلیمي وايي، مولانا فضل الرحمان علمي دریځ او اعتبار نه لري؛ خو د یو بېثباته سیاستوال په توګه د پاکستان د استخباراتو په لارښوونه د خپلو ګټو لهپاره د افغانستان د خلکو خلاف منفي تبلیغات کوي.
د حلیمي پروینا، په پاکستان کې محکمې د انګریز د قانون پر بنسټ پرېکړې کوي په داسې حال کې چې د افغانستان محکمو ټولې پرېکړې د اسلامي قوانینو پر اساس دي.
حلیمي زیاته کړه، مولانا فضل الرحمان د افغانستان په جوماتونو، ښوونځیو، لویو لارو او روغتونونو کې ځانمرګي بریدونه او چاودنې جهاد بولي چې دا ډول عملونه د خوارجو او تکفیریانو په څېر دي.
دغه راز مولوي حلیمي په تخار ولایت کې د یو جومات امام مولوي مبشر هغو څرګندونو په اړه چې ښځې يې ناقصالعقل بللي وویل، دغه ملا د عالمانو شورا سره رسمیت نه لري او دا د ښځینهوو په اړه د عالمانو شورا دریځ نه دی.
د حلیمي پروینا ښځې په اسلام کې لوړ او باعزته ځای لري.
