ولسمشرۍ ماڼې په یوې خپرې کړې خبرپاڼې کې لیکلي چې ولسمشر محمداشرف غني د ازبکستان له لوړپوړي پلاوي سره په ارګ کې ولیدل.
د خبرپاڼې له مخې، د ازبکستان د ملي امنیت سلاکار ویکتور محمودوف او د بهرنیو چارو وزیر عبدالعزیز کاملوف چې په دغه پلاوي کې وو، له ولسمشر غني غوښتي، که طالبان له افغان حکومت سره د سولې مخامخ خبرو اترو ته تیار وي، ازبکستان ته تیار دی چې د یادو خبرو اترو کوربهتوب په سمرقند تاریخي ښار کې وکړي.
دغه راز په خبرپاڼې کې د ولسمشر له قوله لیکل شوي چې محمداشرف غني د ازبکستان د وړاندیز هرکلی کړی او یاد ښار یې د افغانستان او ازبکستان ګډ فرهنګي میراث بللی دی.
د سمرقند ښار د اوږد تاریخ لرلو له کبله د منځنۍ اسیا هېوادونو د اوسېدونکیو په منځ کې په یوه فرهنګي مرکز پېژندل کېږي.
د شوکت میرزیایوف په مشرۍ د ازبکستان حکومت په افغان سولې پروسه کې د همکارۍ لپاره ډېره لېوالتیا لري. ازبکستان تر دې مخکې اعلان کړی و چې تیار دی په بې طرفه توګه د سولې په خبرو اترو کې رول ولوبوي.
اړوند مطالب:
ازبکستان ته د افغانستان صادرات به یونیم برابر شي
ازبکستان: په افغانستان کې پانګونه کوو
په شمال کې د طاهر یولداش زوی سلګونه ازبکستاني کورنۍ ځای پر ځای کړي
حکومت داسې مهال د سولې خبرو اترو د کوربهتوب هرکلی کوي چې وسلهوالو طالبانو تر اوسه له افغان حکومت سره د مخامخ خبرو اترو لپاره هېڅ لېوالتیا نهده ښودلې.
هغوی افغان حکومت د امریکا متحده ایالاتو له لوري جوړ شوی حکومت یادوي او همدا لامل دی چې د سولې خبرې ورسره نه کوي.
بلهخوا د راپورونو له مخې، افغان حکومت د قطر خبرو اترو د نوي پړاو له پیلېدو سره سم له طالبانو سره د یوه پراخ او هراړخیز مرکچي پلاوي پر جوړولو بوخت دی. تراوسه د دغه بهیر جزیات نهدي خپاره شوي.
