افغانستان دولتی نینگ مذاکره قیله‌دیگن هیأت اعضاسی غلام فاروق مجروح سلام‌وطندار بیلن صحبت اوتکزیب ایتیشیچه، دولت نینگ مذاکره قیله‌دیگن هیأتی باشقه ایکی کون گچه دوحه کیته‌دی.
جناب مجروح نینگ ایتیشیچه، افغانستان‌لیکلرارا سوزلشوولر ۱۸- اگست یولگه قوییلیشی گه قرار قیلینگن. اونینگ کوپه‌یتیریشیچه، شونینگدیک بو موضوع طالبان گروهی بیلن شریک قیلینگن.
عین حالده، اوتگن کون طالبان سوزلاوچی‌لریدن بیری ذبیح‌الله مجاهد رسانه‌لردن بیری گه صحبت بیریب ایتیشیچه، افغانستان‌لیکلرارا سوزلشوولر باشله‌نیشی گه بوتون تیارگرلیک‌لری بار و سوزلشوولر ۴۰۰ محبوس بوتونلی قوییب یوباریلگنیدن کیین باشله‌نیشی ممکن.
اونگه کوره، مذاکره سِرلی شکلده یولگه قوییلیشی ممکن. چونکه دشمنلر بو پروسه نینگ قیینچیلیک‌که دوچ قیلیشی نی احتمالی بار. او آچیق شکلده بیرار کیشی یا گروه‌دن تینچلیک پروسه‌سی نینگ دشمن‌لری صفتیده ایسلمه‌گن.
اوتگن کون جمهوررئیس‌لیک سرایی بیر خبرنامه ترقه‌تیب ایتیشیچه، مملکت جمهورئیسی محمداشرف غنی طالبان گروهی بیلن سوزلشوولر باشله‌نیشی حقیده دولت نینگ مذاکره قیله‌دیگن هیأتی بیلن سوزلشگن.
افغانستان دولتی نینگ مذاکره قیله‌دیگن هیأتی نی محمد معصوم استانکزی رهبرلیک قیله‌دی.
