عیاللر وزیرلیگی نینگ رسمی‌لریگه کوره، جنسی زورلش، مصونیت بولمه‌گنی، ایشگه آلیشده رابطه‌لر حاکم‌لیگی و تعصب بارلیگی دولتی نهادلرده عیاللر حصه آلیشی آزه‌یشیگه سبب بولگن.
بوگون (یکشنبه) خبری انجمن آلگن عیاللر وزیرلیگی معینی سپوژمی وردک نینگ ایتیشیچه، تیکشیروولر اساسیده کورینیشیچه، دولتی نهادلرده عیاللر حضوری کمیگن. اونگه کوره، بوندن آلدین حکومتی بستلردن 22 فایزی عیاللر قولیده ایدی، بیراق حاضرگه مذکور رقم 20 فایزگه کیلگن.
مجلس اعضاسی فوزیه کوفی هم دولتی نهادلرده رابطه اوستیده ضوابط حاکم‌لیگی سلبی تأثیر قالدیریب و اساسی قیینچی‌لیکلر دیب بیله‌دی، اصلاحات و قانونلرگه اوزگریش کیلتیریش یانیده، دولتی نهادلرده ایشلیدیگنلرنینگ توشینچه‌سی و عمللریگه اوزگریش کیلتیریش لازم.
افغان عیاللری نینگ کوچلنتیریش دفتری باشلیغی دانایا بووین نینگ اوشبو اولتیریشده ایتیشیچه، حکومت تصمیم آلیشلریده عیاللرنی کوچلنتیریب حصه آلیشلریگه اولگوره‌دی.
اوشنده‌یکه ملی بیرلیک حکومت عیاللرنینگ کوچلنتیریش و اولرنینگ سانینی دولتی نهادلرگه کوپلتیریشگه وعده بیرگن ایدی، بیراق ایکی ییل اوتیشی بیلن نه فقط سانلری کوپلمه‌گن بلکیم اوشبو قتلم آزه‌یماقده.
