کورینیشیچه، جمهور رییس محمداشرف غنی و اونینگ بیرینچی اورین باسری جنرال عبدالرشید دوستم آره‌سیده‌گی قره‌مه قرشی‌لیک‌لر یکونلنماقده دیر. ملی بیرلیک حکومتی دن گزارش ده آتی فاش ایتیلیشی نی ایستمه گن ایشانچلی بیر منبع‌نینگ سلام وطندارگه ایتیشیچه، احتمال باریچه جنرال دوستم کیله‌جک بیر هفته گچه مملکت گه قیته‌دی.
اوشبو منبع دوستم و غنی آره‌سیده‌گی کیلیشوو توغریسیده هیچ نرسه دیمه‌یدی، بیراق کوپه‌یتیریشیچه، ترکیه باش وزیری بن‌علی ییلدرم و جمهورلیک ریاستی آره‌سیده اوتکزیلگن بحث موضوعلریدن بیری، جنرال دوستم افغانستان گه قیتیشی دیر.
منبع دن نقل بولیشیچه، جنرال دوستم مملکت گه قیتیشی توغریسیده‌گی کیلیشوو بلخ ولایتی‌نینگ سابق حاکمی عطامحمد نور تامانیدن جمهورلیک ریاستی گه قیلینگن تکلیف‌لردن بیری بولگن.
جمهورلیک ریاستی و ملی جنبش حزبی بو توغریده معلومات بیریش دن واز کیچگن؛ بیراق اجراییه باشلیغی عبدالله عبدالله نینگ ایتیشیچه، ترکیه باش وزیری کابل گه قیلگن سفریده، جناب دوستم نینگ تقدیری توغریسیده بحث اوتکزیلگن. لیکن جناب عبدالله بو توغریده آرتیقچه معلومات بیرمه‌یدی.
عین حالده، سیاسی ایش بیلرمان احمدضیا رفعت نینگ سلام‌وطندارگه ایتیشیچه، حکومت تامانیدن جناب دوستم اوچون مملکت گه کیریتیش گه رخصت بیریلمه‌گنی قانون گه قرشی ایدی و باشقه تاماندن، دوستم و ایشچی‌نینگ دعواسی حقوقی مسئله بولگنی باعث، غنی و اورین باسری‌نینگ کیلیشووی بیلن رفع ایتیلمه‌یدی. لیکن جناب رفعت‌نینگ ایشانچی گه کوره، اشرف غنی کیله‌جک‌ده بو مسئله‌دن دوستم گه باسقین‌ده فایده‌لنیشی ممکن.
دوستم‌نینگ سیاسی رقیب‌لریدن بیری احمد ایشچی، جمهور رییس‌نینگ بیرینچی اورین باسری و اونینگ قوروقچی‌لری تامانیدن جنسی زورلنگنی توغریسیده شکایتی نی باش قاره‌لاوچیلیک ده رویخط گه بیرگنیدن سونگ، جمهور رییس غنی اروپا بیرلیگی، امریکا قوشمه ایالت‌لری و بریتانیا باسقینی آستیگه آلینیب جناب دوستم نینگ قانونی صلاحیت‌لرینی کمه‌یتیردی.
بو قضیه‌دن بیر مدت اوتگنیدن سونگ، جناب دوستم ترکیه کیتدی و ینه افغانستان گه قیتیشی توغریسیده حاضرگچه رخصت بیریلمه‌گن.
