جمهور رییس بیرینچی اورین باسری جنرال عبدالرشید دوستم طالب‌لرگه قره‌تیب، قوراللرینگیزنی ییرگه قویمه‌گن صورتده نابود بولیشلرینی آگاه‌لنتیردی.
نیچه کوندن آلدین جناب دوستم فاریاب ولایتی قیصار تومنی‌ده بارگن ایدی ایتیشیچه، شوحاضر طالب‌لرمحلنی قویباریب قاچ ماقده.
او، طالب‌لردن ینه بیر بار قوراللرینی ییرگه قویب اوروشدن قول کوتاریشلرینی سوره‌دی. گزارشلرگه کوره، جناب دوستم امنیتی کوچلر یوکسک عملیات اوتکزیشی اوچون روحیه بیریش و جنگریلرگه قرشی اوروش اوتکزیش رهبرلیگی‌نی قولده آلیشی اوچون فاریاب بارگن.
شونینگ‌دیک عبدالرشید دوستم نینگ ایتیشیچه، ملا عمر اولیمیدن بیر ییل آلدین خبر بولگن ایکن. اونینگ کوپه‌یتیریشیچه، ملا عمر قاتیلی کیملیگی دنیاگه انیق بیلی.
جناب دوستم‌گه کوره، موندن بویان طالب‌لرگه قرشی اوروشلر رهبرلیگی کیم تاماندن بولیشی انیقلنه‌دی.
اوتگن هفته افغانستان دولتی طالب‌لر رهبری ملا عمرنی ایکی ییل آلدین اولگن‌لیگینی تأیید قیلدی. بوخبر ترقه‌تیلیشی بیلن، ملا عمر اورنیگه تعیین ایتیلگن شخص ملا اخترمحمد منصور بیر سیس پیام آرقه‌لی طالب‌لرگه قره‌تیب جهاد دوام تاپه‌دی و ایچکی قرمه قرشیلرنی رخنه قیلیشی‌گه اجازه بیرمه سینلر دیگن.
بیراق جناب دوستم ملا منصور تامانیدن کیلگن پیامگه قرشی، جهاد سینگه فرض ایمس و جهاد بیزلرگه و افغانستان امنیتی کوچلریگه فرض دیگن.
او نینگ ایتیشیچه، ملا منصور افغانستاندن تشقریدن کیلگن، ولی افغانستان خوف‌سیزلیک کوچلری اولکه و ناموسدن دفاع قیلوچی شخص‌لردیر.
جمهور رییس بیرینچی اورین باسری کوپلب جنراللر، عسکرلر و امنیتی کوچلرنی آلقیش‌نامه بیریشی بیلن ارداقله‌دی.
باشقه بیرتاماندن اردو کوچلری‌نینگ باشلیغی قدم‌شاه شهیم هم قاریاب بارگن ایدی، اونینگ بیلدیریشچه ولایت قیصار، المار وپشتون‌کوت تومنلریده 3- اسد ده اویوشتیریلگن 7- قیلیچ عملیاتی نتیجه‌سیده 10 اوزبیکستان‌لیک، پاکستان‌لیک و چیچین‌لیک تشقی تروریست قوشیمچه 300 طالب اولیب یره‌لنگن ایکن
فاریاب ولایتی‌نینگ ایریم تومنلریده ناتینچ‌لیکلر و طالب‌لرنینگ کیتمه‌کیت هجوملری، جمهور رییس بیرینچی اورین باسرینی شمالده بارییشی‌گه سبب بولدی. نیچه کوندن بویان جناب دوستم اولکه شمالی‌گه بارگن ایدی، فاریابده‌گی طالب‌لرنی توبیدن یوقالمه گونیگه قدر کابل بارمس‌لیگی‌نی ایتگن.
