شو سونگی کونلرده جمهور رییس بیرینچی اورین باسری و افغانستان ملی اسلامی جنبش حزبی‌نینگ باشلیغی جنرال عبدالرشید دوستم، اجراییه ریاستی‌نینگ ایکنچی اورین باسری و وحدت مردم افغانستان حزبی‌نینگ باشلیغی حاجی محمد محقق و بلخ والیسی همده جمعیت حزبی‌نینگ اجراییه ریاست باشلیغی عطامحمدنور لر تورکیه باشکیندی انقره‌ده اوتکزگن اوچره‌شوولری سیاسی محفللرده کوپچی‌لیک میش- میشلریگه ایلنگن.
اوچره‌شوولردن کیلیب چیققن معلوماتگه کوره، بو اوچ سیاسی تانیقلی سیمالر جناب غنی‌نینگ حکومتی‌گه قرشی ینگی ایتلاف قیلگنلر.
شونگه اساسلب سییاسی تحلیلچی‌لر و مجلس اعضالری حاضرگی رویابگه چیقه‌دیگن ایتلافنی مقصدلی و استراتژیک یوزه سیدن بولمه‌گن و جناب غنی حکومتی‌گه قرشی بیر مانور دیب بیله‌دیلر.
غزنی خلقی‌نینگ مجلسده‌گی اعضاسی عارف رحمانی‌نینگ ایتیشیچه، جنبش، جمعیت و وحدت مردم افغانستان حزبلری ارا بولگن ایتلاف تاکتیکی و قیسقه مدتلی بولیشی ممکن.
شونینگدیک سیاسی تحلیلچی انتظار خادم‌نینگ سلام‌وطندارگه ایتشیچه، افغانستاننی حاضرگی شرایطیده بونقه ایتلاف‌لر مملکت فایده سیگه بولمیدی ولی حکومت ایچیده‌گی لرنینگ یکه تازلیکلریی سبب افغانستان سیاستچی‌لریگه بیربولیش زمینه‌سی یره تیله‌دی.
جناب خادم‌نینگ کوپه‌یتیریشیچه، ایکی تامان حرکتیده هم افغانستان یشاوچیلری ضرر کوریشی ممکن.
باشقه بیر سیاسی تحلیلچی لیاقت علی امینی هم بونقه حرکتلرنی کوپراق طرف‌گه باسیم کیلتیریش اوچون و تشقی ممکتلر مدیریتیده بولیشی‌گه توشینه‌دی.
بو سیاسی تحلیلچی‌گه کوره، افغانستان حکومتی موضوع‌گه قره‌ته تدبیر و جواب گولیک سیاستیدن ایش آلمه‌گن تقدیرده وضعیت آلدینکی‌دن هم یمان بولیشی ممکن.
جناب امینی‌نینگ کوپه‌یتیریشیچه، تشقی مملکتلر افغانستانده‌گی نفوذلی کیشی‌لرنی بیراوگه یقینلش‌گه تلاش قیله‌دی و بولرنی جبهه و یا ایتلاف شکلیده افغانستان حکومتی‌گه قرشی تورغیزه‌دی.
افغانستاننی قولی قدرتدن کوتاریلگن زمان سیاستچی‌لر و حزبلر تامانیدن سیاسی ایتلاف توزه‌لیش مرکزی دیسه خطا ایمس. کیشی‌لر ینه قدرنی قولگه کیلتیریش اوچون بیر بوله‌دیلر و مقصدلریگه ایتگندن سونگ ینه بیراوگه قرشی حرکتلرینی باشله‌یدیلر.
ایتیش کیره‌ک بوندن آلدین هم جنبش، جمعیت و وحدت اوز ارا اتحاد قورگن ایدی و آز مدت اوتمسدن اینه اجره‌لیب کیتگن ایدیلر.
مملکت حاضرگی سیاسی وضعیتی جهادی و سیاسی شخصیت‌لرگه اتحاد قیلیش زمینه‌سینی یره‌تگن و حاضر جنبش، جمعیت و وحدت حزبی‌نینگ ینگی ایتلافی قنچه وقت دوام ایتیه‌دی زمان اوتیشی بیلن انیق بولیشی ممکن.
