طالبان گروهی‌گه تیگیشلی منبع‌لردن بیری‌نینگ رویترز خبرنامه‌سیگه ایتیشیچه، قطرده آمریکا رسمی‌لری و طالبان گروهی‌نینگ نماینده‌لری آره‌سیده یولگه قوییلگن مذاکره، بوگون «شنبه» یکونلنگن.
اوشبو منبع گه کوره، مذاکره اوتکزگن‌لر افغانستان‌نینگ 17 ییل‌لیک اوروشی یکونله‌نیشی اوستیگه کیلیشیب و شرطنامه امضاءلگن‌لر.
رویترز خبرنامه‌سیگه طالبان گروهی گه تیگیشلی منبع تامانیدن بیریلگن معلومات گه ایتیلیشیچه، بو شرطنامه گه ایکی تامان‌نینگ امتیازلری شامل بوله‌دی.
شرطنامه‌ده ایتیلیشیچه، چیت‌ایللیک کوچلر 18 آی جریانیده افغانستان‌نی ترک قیله‌دیلر.
قطرنینگ دوحه شهریده یولگه قوییلگن مذاکره ایکی اوچون نظرگه آلینگن ایدی، لیکن بوگون آلتی کون بولدی.
رویترز خبرنامه‌سیگه کوره، افغانستان تینچلیگی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، کابل کیلیب و قطرده طالبان گروهی بیلن اوتکزیلگن مذاکره دن قولگه کیریتیلگن یوتوقلر خصوصیده، جمهور رئیس غنی گه معلومات بیره‌دی.
اوشبو ییغینده آمریکا قوشمه ایالت‌لری طالبان گروهی‌دن افغانستان ینه بیر بار آمریکا قوشمه ایالت‌لری و بیرلشیک‌لریگه قرشی ترورچی‌لرنینگ میدانی بولمه‌سی توغریسیده کفالت بیریش‌لرینی طلب قیلگن.
طالبان گروهی‌نی ییریک رسمی‌لریدن بیری‌نینگ رویترزگه ایتیشیچه، اوشبو گروه آمریکا قوشمه ایالت‌لریگه سوز بیره‌دی کیم، افغانستان توپراغیدن آمریکا و بیرلشیک‌لریگه قرشی هر قنده‌ی ترورچیلیک هجوملرگه توسیقه بوله‌دی.
