.jpg)
جمهورلیک ریاستی نامزدلریدن بیری ابراهیم الکوزی، جمهور رئیس غنی نینگ قانون سیندیریش گه عیبلب ایتیشیچه، دولت قوروچی سیلاو تیمی رهبری سونگی استخداملردن فایدهلنیب دولتی امکانیتلردن اوز سیلاو کمپاینیده فایدهلنیش اوچون حرکت قیلهدی.
بوگون «پنجشنبه» کابلده سوز و عمل سیلاو تیمی رهبری جناب الکوزی خبری بیر ییغین اوتکزیب ایتیشیچه، ملی بیرلیک حکومت افغانستان اهالیسی دولت گه قرشی قوراللی کیشلر آرقلی قتل ایتیلیشی توغریسیده جواب بیریشی کیرهک.
اوشبو جمهورلیک ریاستی سیلاوی نامزدی نینگ اورغولب ایتیشیچه، جناب غنی دولتی ادارهلرده استخدام قیلیب و ینگی وزیرلیکلر قوریش بیلن کیلهجک سیلاوده غالب چیقیش نی ایستهیدی.
جناب الکوزی بیاناتلری نینگ بیر بولیمیده جمهور رئیس غنی گه خطاب ایتیشیچه، «نیمه اوچون ینگی وزیرلیکلرده ینگی پُستلر قوردینگ؟ بولر برچهسی سیلاو اوچون دیر، قیسی قانون سینگه اختیار بیرگن؟ سین بیر قانون سیندیروچی سن.»
بیراق جمهورلیک ریاستی سوزلاوچیسی صدیق صدیقی، ابراهیم الکوزی نینگ بیاناتلریگه عکسالعمل بیلدیریب سلاموطندارگه ایتیشیچه، محمداشرف غنی جمهورلیک ریاستی سیلاوی کاندیدی یانیده، شونینگدیک برحال جمهور رئیس دیر و هرقندهی استخدام ضرورت اساسیده صورت تاپهدی.
اونینگ کوپهیتیریشیچه، جمهورلیک ریاستی نامزدلری حکومتدن تنقید قیلیش اورنیده سیلاوی برنامهلرینی اهالی بیلن شریک قیلیشلری کیرهک.
شونینگدیک بوندن آلدین جمهورلیک ریاستی نامزدلری و سیلاو شکایتلرینی تینگلش کمیسیونی، محمداشرف غنی رهبرلیگیده دولت قوروچی سیلاو تیمی و عبدالله عبدالله رهبرلیگیده برقرارلیکویقینلیک سیلاو تیمی نی اوز کمپاینلرده دولتی امکانیتلردن فایدهلنیش گه عیبلهگن ایدی.
