اوتگن کون (شنبه) صادر ایتیلگن هجوم‌ده قربان بولگن‌لرنی توپراققه تاپشیریش مراسمی‌ده سوزله‌گن یاروغلیک حرکتی‌نینگ رهبرلیک اعضالری همان طلب‌لریده تورگن‌لیک‌نی ایتیب، ایسته‌ک‌لری قبول ایتیلمه گونگه قدر مدنی حرکت‌لریگه دوام ایته‌دیلر.
یاروغلیک حرکتی‌نینگ اعضالریگه کوره، قربانلر عایله‌سی رخصت بیرگن تقدیرده، جسدلری توپلم شکلیده امیدسبز شهرچه‌سی‌نینگ قُرغ تپه‌لیگی‌ده توپراققه تاپشیریه دیلر.
جمهور رییس بیر اعلامیه نشر قیلیب، کابل شهردارلیگیدن پارتلش صادر ایتیلگن (دهمزنگ تورت یولی) شهیدلر تورت یولی دیب، نام بیریلیشی اوچون بویروق بیرگن.
جمهور رییس غنی کیچه اخبارات واسطه‌لریده کورینیب گپیرگن ده بوگون‌نی ملی ماتم اعلان قیلگن ایدی. جمهور رییس حادثه کوپراق یاروتیلیشی اوچون دولت باشقره‌لاوچیلیک اداره‌سی رهبرلیگیده مخصوص کمیسیون تعین قیلدی.
یاروغلیک حرکتی‌نینگ رهبرلیک اعضاسی جعفر مهدوی‌نینگ سوزلریگه کوره، حادثه تیکشیریلشی اوچون ایجاد ایتیلگن کمیسیونگه یاروغلیک حرکتی اعضالریدن آلینمه‌گن حالده، کمیسیون‌نی تُن آلمیدیلر.
اوتگن کون (شنبه) یاروغلیک حرکتی همده کابل اهالیسی، ترکمنستاندن آلیب کیلینه دیگن برق لایحه‌‍سی بامیان و میدان وردک ولایت‌لریدن آلیب اوتیلیشینی سوره‌ب خیابانلرگه چیققن ایدیلر. اما، کابل گارنیزیونی جمهور رییس‌لیک سراییگه باریله دیگن بوتون یوللرنی کانتینرلر بیلن توسیب قویگن ایدی.
اعتراضچی
لر دهمزنگ منطقه‌سی‌ده تحصن اعلان قیلیب، خیمه تیکله‌گن بیر پیتده خودکش هجوم صادر ایتیلدی. انتحارچیلردن بیری کوپچیلیک نمایشچی‌لر ایچیگه کیریب آلیب اوزینی پارتلگن، ایکینچی سی ایسه اده‌شیب هلاک بولگن و اوچینچی‌سی ایسه ملی پولیس طرفیدن آتیب اولدیریگن.
داعش حرکتی بیر اعلامیه نشر قیلیب، واقعه مسوولیتی‌نی اوز بوینی‌گه آلگن.
