کابل پولیس قومندانلیگی سوزلاوچیسی بصیر مجاهدنینگ سلاموطندارگه ایتیشیچه، کابل شهری دهمزنگ منطقهسیده یوزبیرگن خودکش هجومده 9 کیشی هلاک بولیب و کمیده 12 کیشی یرهلنگن. بیراق ایچکی ایشلر وزیرلیگی امنیتی اورین باسری ایوب سالنگینینگ ایتیشیچه، اوشبو پارتلشده 10 کیشی هلاک بولیب و باشقه 20 کیشی تن جراحت آلگن.
اوتگن (دوشنبه کون) کیچ قورون ساعت 2 اطرافیده، خودکش هجومچی پیاده مراجعینلر بیلن بیرگه عامه کوزهتیش پولیس کوچلری بناسیگه کیریش اوچون قصد قیلهدی، بیراق امنیتی کوچلر تامانیدن تانیلگن چاغیده، اوزینی پارتلهتگن.
منطقه یشاوچیلرینینگ ایتیشیچه، پارتلش هجوم شونچهلیک کوچلی ایکن و سیسی اوزاق منطقهلردن ایشیتیلگن.
قوراللی طالبلر اوشبو هجوم مسؤولیتینی اوز ذیمهسیگه آلگن.
قوراللی طالبلرنینگ سوزلاوچیسی ذبیحالله مجاهد بیر خبرنامه ترقهتیب تلفات رقمینی 40 کیشیدن آرتیق دیب ایتیشیچه، هلاک بولگنلر و یرهلنگنلردن کوپینچهسی پولیس بولگن، بیراق کابل پولیسی، اوشبو واقعهده هلاک بولگنلر و یرهلنگنلرنی کوپینچهسی تینچ اهالی بولگنینی ایتگن.
قوراللی طالبلرگه کوره، خودکش هجومچی اوزاق مدتدن بویان، مذکور امنیتی بنانی نظرگه آلیب، نتیجهده (دوشنبه کون) ماموریتینی عملگه آشیرگن.
