دنیا بانکی آلتی آیلیک گزارشی‌ده ایتیشیچه، افغانستانده سونگی اقتصادی یوتوقلر خطرگه روپه‌ره بولیشی ممکن.
اوشبو گزارش‌ده کیلیشیچه، افغانستان اقتصادی‌نینگ ترقیاتی ایش و کوچ جریانیده اصلاحات کیریتیش، نماینده‌لر کینگشی، تومن‌لر کینگشی، ولایتی کینگش و جمهورلیک ریاستی سیلاولری یولگه قوییلیشی گه باغلیق بولگن.
دنیا بانکی‌نینگ ایتیشیچه، افغانستان اقتصادی تشقی کوچلر چیققنیدن سونگ، کمه‌یگن و ناتینچلیک‌لر کوپه‌ییشی و سیاسی ثبات‌سیزلیک اوستیگه سلبی تأثیر تشله‌گن.
افغانستان اوچون دنیا بانکی باشلیغی شوبهم چوهدری‌نینگ ایتیشیچه، حاضرگی شرایط‌ده افغانستان دولتی و خلق ارالیک شریک‌لری‌نینگ اینگ اونملی ایشی کیله‌جک‌که اهالی ایشانچی‌نی قولگه کیریتیب و اقتصادی یوتوقلرنی سقلش دیر.
اوشبو گزارش‌ده تخمین ایتیلیشیچه، قیین شرایط و نماینده‌لر کینگشی، تومن‌لر کینگشی، ولایتی کینگش و جمهورلیک ریاستی سیلاولری یولگه قوییلیشی باعث، احتمالی سیاسی ثبات‌سیزلیک‌دن خطرلرگه قره‌گنده 1397- مالی ییل‌ده اقتصاد ترقیاتی کمیده 2.4% بولیشی ممکن.
گزارش‌ده کیلیشیچه، 1396- ییل‌ده مالی کسرت ایچکی ناخالص تولیدات‌نی کمیده 0.5% تشکیل بیرردی و 1397- ییل‌ده هم مالی کسرت میزانی ماس بولیشی تخمین ایتیله‌دی.
دنیا بانکی، افغانستان اقتصادی‌نینگ ترقیاتی 1398- مالی ییل‌ده 2.8% و 1400- مالی ییل‌ده 3.6% بولیشی گه امید بیلدیره‌دی.
دنیا بانکی افغانستان اقتصادی توغریسیده سونگی گزارشی ده ایتیشیچه، امنیتی وضعیت حاضرگی شرایط‌گه ماس یمان بولمه‌گن صورتده، افغانستان اقتصادی‌نینگ ترقیاتی میلادی 2018- ییل‌ده 3.2% بولیشی گه امید قیله‌دی.
