بوگون «یکشنبه» کابل‌ده افغانستان بوییچه دنمارک ایلچیسی و خلق ارا آذیق-آوقت و ایکینچیلیک تشکیلاتی‌نینگ باشلیغی آره‌سیده، دنمارک تامانیدن افغانستان گه بیریله‌دیگن 3 میلیون دالرلیک شرطنامه گه قول قوییلدی.
اوشبو پول‌نینگ جاری ییلده هرات، بادغیس، غور، هلمند، قندهار و دایکندی ولایت‌لریده قوروقچیلیک‌لردن زیان کورگن 142 مینگ عایله و چاروادارلرگه یاردم بیریش خصوصیده هزینه ایتیلیشی ممکن.
دنمارک‌نینگ کابلده‌گی ایلچیسی نیکولای پیترسن‌نینگ ایتیشیچه، اوشبو همکارلیک‌دن مقصد مالدارلیک درآمدلرینی کوپه‌یتیریش و یشاوچی‌لرنینگ یشش وضعیتی‌نی کوچلی قیلیش دیر.
افغانستان بوییچه خلق ارا آذیق-آوقات و ایکینچیلیک تشکیلاتی باشلیغی راجندرا آریال نینگ ایتیشیچه، دنمارک تامانیدن همکارلیک ایتیلگن پول‌نینگ حیوانلرگه خاص آزیق-آوقات، اوسیملیک دانه‌سی، دارو و قوروقچیلیک‌لردن زیان کورگن چاروادارلرگه تعلیمات بیریش خصوصیده صرف ایتیلیشی ممکن.
.jpg)
بیراق ایکینچیلیک و چارواچیلیک وزیرلیگی‌نینگ حیوانی ساغلیق و چارواچیلیک عمومی باشلیغی سیدمجدود ریحان نینگ ایتیشیچه، قوروقچیلیک‌که قرشی کوره‌شیش اوچون اوشبو همکارلیک ایترلی ایمس و باشقه نهادلرنی هم بو توغریده همکارلیک قیلیشی کیره‌ک.
ایکینچیلیک و چارواچیلیک وزیرلیگی‌نینگ مسووللریگه کوره، اوشبو پروژه‌نینگ افغانستان بوییچه خلق ارا آذیق-آوقات و ایکینچیلیک تشکیلاتی و مملکت ایکینچیلیک و چارواچیلیک وزیرلیگی تامانیدن عملگه آشیریلیشی ممکن.
ایکینچیلیک و چارواچیلیک وزیرلیگی‌نینگ حیوانی ساغلیق و چاواچیلیک بولیمی‌نینگ مسوولی، جاری ییلده قوروقچیلیک باعث، تلف بولگن چاروالر خصوصیده بیلی رقمی اریه قیلمه‌یدی؛ بیراق خلق ارا آذیق-آوقات و ایکینچیلیک تشکیلاتی گه کوره، سونگی قوروقچیلیک‌لر سبب، چاروادارلردن 48% چاروالری‌نینگ تلف ایتیلگنی باعث زیان کورگنلر.
