دشت‌قلعه تومنی سقوط عرفه‌سیده؛ مذکور تومنده‌گی آی‌خانم بندری ده بولگن چیگره‌یی عسکرلردن کمیده 60 ته‌سی بوگون ایرته‌لب قرارگاهلرینی ترک قیلیشگن.
دشت‌قلعه تومنی آی‌خانم بندری کمیساریده چیگره تولی اورین باسری عوض نینگ سلام‌وطندارگه ایتیشیچه، مذکور تومن گه خوفسیزلیک مسؤوللری نینگ دقت‌سیزلیگی، ییگولیک آذیق-آوقت و مهمات ییتیشمه‌گنی باعث، قرارگاهلرینی ترک قیلیشگن.
دشت‌قلعه پولیس قومندانلیگی دن بیر منبع نینگ ایتیشیچه، مذکور تومن نینگ پولیس قومندانی قرارگاهلرینی ترک قیلگن عسکرلرنی دفتری گه کیریش اوچون رخصت بیرمه‌گن و اولرگه اوروش میدانی گه قیتیش‌لری یا-ده حربی محکمه‌سیگه حاضر بولیش‌لرینی بیلدیرگن.
حاضر امنیتی کوچلر و طالبان گروهی آره‌سیده آی‌خانم بندری و مذکور تومن مرکزی نی بیر کیلومترلیگی ده آتیشمه دوام ایتماقده.
دشت‌قلعه تومنی یشاوچیلری نینگ ایتیشیچه، آی‌خانم بندری ده چیگره کوچلری نینگ ایکی قرارگاهی طالبان گروهی نینگ نظارتی گه اوتگن و حاضر مذکور تومن مرکزی ده وضعیت خواطرلی دیر.
اولرنینگ آگاه‌لنتیریشیچه، وضعیت شونده‌ی بیر شکلده دوام قیلگن صورتده، مذکور تومن طالبان گروهی نینگ قولی گه سقوط قیلیشی ممکن.
دشت‌قلعه تومنی یشاوچیلری گه کوره، سونگی آتیشمه‌لر جریانیده آی‌خانم بندری گه یقین قیشلاقلرنی یشاوچیلریدن بیرقطاری اوی و جایلرینی ترک قیلیب تینچ جایلر و تخارنینگ باشقه تومنلریگه کیتگن‌لر.
شونینگدیک، محل اهالیسی دن بولگن قطار عسکرلر اوروش نی ترک قیلیب و مملکت دن چیققن‌لر.
دشت‌قلعه تومنیده اوروش جریانینی تصدیقلگن تخار حاکمی سوزلاوچیسی جواد هجری، مذکور تومن گه یاردم کوچلر یوباریلگنیدن خبر بیره‌دی.
دشت‌قلعه تومنیده امنیتی کوچلر و طالبان آره‌سیده باشلنگن آتیشمه‌لردن کمیده بیر هفته اوتماقده، دستلب تخار خوفسیزلیک رسمی‌لری بو آتیشمه‌لرنی تصدیق قیلمه‌ی و طالبان گروهی گه قرشی و مذکور تومن اطرافیده قولدن کیتگن منطقه‌لرنی قیتریب آلیش عملیات دوام ایته‌یاتگنینی ایتگن ایدیلر.
طالبان گروهی جاری هفته یکشنبه کونی آی‌خانم بندری نی قمراوگه آلدیلر، بیراق اوتگن کون خاص حربی کوچلرنینگ ییر و هوایی هجوملری نتیجه‌سیده طالبان مذکور تومن نی بوتون قیشلاقلرینی ترک قیلدیلر.
بیراق، اوتگن کیچه خاص حربی کوچلر دشت‌قلعه تومنیدن چیققنیدن سونگ، طالبان گروهی ینه-ده مذکور تومن گه قیتیب آی‌خانم بندری و تومن اطرافی نی قمراوگه آلگن.
خوفسیزلیک رسمی‌لری دشت‌قلعه تومنی تازه‌لنگنیدن سونگ، تومن اطرافیده نیچه کوچلی قرارگاه قوریشلرینی ایتگن ایدی، بیراق بو سوزلری حاضرگچه عملی بولمه‌گن.
دشت‌قلعه تومنیده امنیتی کوچلر و طالبان گروهی آره‌سیده 11 آیدن بویان دوام ایتماقده و بو گروهی نیچه مرته آی‌خانم بندری، بیر مرته تومن مرکزی و کوپینچه قیشلاقلرینی نظارت گه آلدی.
شو توغریده…
آی‌خانم بندری ده چیگره کوچلریدن اونلرچه‌سی طالبان نینگ قمراویده قالگن
