دایکندی محلی رسمیلرینینگ ایتیشیچه، قورالی طالبلر "جمعه" کونی دایکندی- قندهار قتناو یولیدن 36 یولاوچی‌نی اوغیرلگن. مذکور یولاوچیلر قندهار دن دایکندینینک کجران تومنی تامان بارهدیگن بیر چاغده اوغیرلنگن.
دایکندی ولایتی کینگش اعضاسی غیرتعلی جواهرینینگ سلاموطندارگه ایتیشیچه، بوندن آلدین هم شونینگدیک واقعهلر یوز بیرگن، بیراق مذکور یول خوفسیزلیگینی تامینلش اوچون حکومت تامانیدن هیچقندی سعی و حرکت صورت تاپمهگن.
جناب جواهری گه کوره، اوغیرلنگن کیشیلر کجران تومنینینگ یشاوچیلری بولیب عیالر و بالهلر هم اوغیرلنگنلر آرهسیده بار دیر.
دایکندی پولیس قومندانی غلامسخی غفورینینگ اوشبو واقعهنی تصدیقلب سلاموطندارگه ایتیشیچه، 12 کیشی طالبلر تامانیدن اوغیرلنگن و اولرنی قورتهریش اوچون سعی و حرکتلرنینگ دوامی بار.
طالبان گروهی حاضرگچه توغریده معلومات بیرمهگن.
