.jpg)
کیچه و کوندوزی دایکندی قماقخانه‌سی‌نینگ دیوارلری آرقه‌سیده اوتگن شیرحسین هویدا، کوتیلمه‌گن حالده صنعت‌چیلیک ایشی‌گه قول اوریب، امیریکه‌نینگ جمهورلیک ریاستی سیلاوی‌ده دموکرات حزبی تامانیدن نامزد بولگن هیلاری کلینتون‌نینگ هیکلی‌نی گچ و تیمیردن توزه‌تگن.
هویدانینگ سلام‌وطندارگه ایتیشیچه، هیلاری کلینتون‌نی یخشی کوره‌دی، دیمک سوز ایرکین‌لیگی و انسان حقوقی خصوصیده کوپلب سعی و حرکت قیلگن و سوزلری جریانیده دایما انسان ارزشلریدن دفاع قیلیب کیلگن بیرینچی نامزد بولگن.
هویدانینگ ایتیشیچه، خانم کلینتون نطقی‌دن بیری‌ده، دنیا مسلمان‌لری و مسیحی‌لرنی ایناغه و برابر دیگن. خانم کلینتون‌نینگ بو بیاناتی هویدانینگ باشی‌گه شونچه‌لیک تأثیر تشله‌گن کیم، مذکور تانیقلی سیاستچی‌نینگ هیکلی‌نی توزه‌تیش‌گه قرار قیلگن.
.jpg)
اوشبو محبوس ییگیت‌نینگ اصلی ایشی تیمیرچیلیک دیر. اونینگ ایتیشیچه، دایکندی ولایتی قماقخانه مدیری‌نینگ همکارلیگی‌ده، حاضرگچه محبوس‌لر و قوروقچی‌لرگه نیچه میز، چوکی، دروازه و یاته‌دیگن تخت توزه‌تگن.
اوشبو محبوس‌نینگ صنعت‌چیلیگی اجتماعی ترماقلرده ترقه‌تیلیب و اجتماعی ترماق ایشلاوچی‌لریدن بیرقطاری، مذکور محبوس‌نینگ صنعتی‌نی خوش قرشی‌لگن‌لر. سیلام‌وطندار بیلن صحبت اوتکزگن یاش‌لردن بیرقطاری، اوشبو محبوس یاش‌نینگ قیلگن ایشی‌نی تقدیرلب ایتیشیچه، دولت محبوس‌لر حقوقی و قماقخانه‌لر ایچیده اولرنینگ ایشی‌گه اونچه‌لیک دقت قیلمه‌یدی و اوشبو گروه بوتونله‌ی ایسدن چیقاریلگن.
