دایکندی ولایتیده عیاللر ریاستی مسؤوللری‌نینگ ایتیشیچه، اوتگن کیچه نیلی شهریده 17 یاشیده بولگن بیر قیز تیزاب ایچیب حیاتی گه نقطه قویگن.
سلام‌وطندارگه صحبت بیرگن دایکندی ولایتی‌نی عیاللر ریاستی باشلیغی زکیه رضایی‌نینگ ایتیشیچه، مذکور یاش قیزنینگ خودکش‌لیگی‌گه زورلب تورموش‌گه چیقاریش بولگن.
رضایی گه کوره، بو قیزنینگ آته و آنه‌سی اونینگ ایسته‌گی گه قرشی تورموش قوریش گه مجبورله‌گن.
شونینگدیک، اوشبو واقعه‌نی تصدیق‌لگن دایکندی پولیس قومندانی غلام‌سخی غفوری‌نینگ ایتیشیچه، اوشبو واقعه جنایی و کشفی بولیم‌لر آرقه‌لی تیکشیریلماقده.
اونگه کوره، بو قضیه توغریسیده حاضرگچه کیم‌سه قولگه آلینمه‌گن.
عین حالده، دایکندی ولایتی‌نینگ عیاللر ریاستی تیکشیروولری گه کوره، اوشبو ولایتده اوتگن ییل‌لرگه نسبتن جاری ییل‌ده عیاللرگه قرشی زوره‌وانلیک‌لر کوپه‌یگن.
مذکور ریاست‌‌نینگ قولگه کیریتگن معلوماتی اساسیده، اوشبو ولایتده جاری ییل 30 دن آرتیق خودکش‌لیک واقعه رویخط‌گه آلینگن.
عیاللر ریاستی مسؤوللری‌نینگ ایتیشیچه، دایکندی ده عیاللرگه قرشی زوره‌وانلیک کوپه‌ییش سببی زورلب تورموش گه چیقاریش، اقتصادی کم‌بغل‌لیک و ناتوری رسم‌ورواجلر بولگن.
