اوشبو رقم پولیس‌لر دایکندی ولایتی نینگ پاتو تومنیده طالبان تامانیدن اویوشتیریلگن ایکی هجوم نتیجه‌سیده هلاک ایتیلگنلر.
دایکندی حاکمی سیدانور رحمتی نینگ میدیالرگه ایتیشیچه، اوشبو واقعه بوگون بامداد چاغیده یوز بیرگن و باشقه 10 پولیس یره‌لنگن دیر.
جناب رحمتی‌گه کوره، پاتو تومنیده پولیس پوسته‌لریدن ایکی ته‌سی طالبان نظارتی‌گه اوتگن ایدی، بیراق مذکور پوسته‌لر قیته‌دن امنیتی کوچلر قولیگه توشگن.
دایکندی حاکمی نینگ کوپه‌یتیریشیچه، حاضرده پاتو تومنی نینگ مرکزی "سیجیک" منطقه‌سیده آتیشمه‌نینگ دوامی بار و تلفات رقمی نینگ کوپه‌یشی ممکن.
دایکندی محلی مسووللری نینگ ایتیشیچه، پاتو تومنیده کمکی کوچلر یوباریلگن دیر.
طالبان گروهی حاضرگه‌قدر بو توغریده فکر بیلدیرمه‌گن.
دایکندی ولایتی مملکت تینچ ولایت‌لریدن بیری ایدی، بیراق سونگی هفته‌لرده طالبان گروهی نینگ هجوم‌لریگه گواه بولگن.
