د دایکندي ولایت د ښځو چارو ریاست مسوولان وايي، یوې ۱۷ کلنې نجلې تېره ورځ په نېلي ښار کې تېزاب خوړلي او ځان یې وژلی دی.
د ښځو چارو رییسه زکیه رضايي سلاموطندار ته وویل، یادې نجلۍ ځکه ځان وژلی چې په زور یې کوژدنه کړې وه.
د نوموړې په وینا، د دغې نجلۍ پلار او مور غوښتل له داسې کس سره یې کوژدنه کړي چې نه یې خوښېده.
په همدې حال کې د دایکندي د پولیسو قومندان غلامسخي غفوري د دې پېښې د تایید ترڅنګ وايي، د دغه ولایت جنايي او کشفي برخې یې په اړه څېړنې کوي. د نوموړي په وینا، تراوسه یې په تړاو څوک نیولي نهدي.
په فاریاب ولایت کې یوې پېغلې په مرموز ډول ځان وژنه کړې
په هرات کې د دوه پېغلو نجونو ځان وژنه او قتل
یوې ګونګۍ پېغلې ځان وژنه وکړه
د دایکندي د ښځو چارو ریاست د څېړنو له مخې، سږ کال د تېرو کلونو په پرتله په دغه ولایت کې د ښځو پروړاندې د تاوتریخوالي پېښې زیاتې شوې دي.
د دغه ریاست د موندنو له مخې، سږ کال د ځان وژلو تر ۳۰ ډېرې پېښې ثبت شوي چې د مسوولانو په وینا، د نجونو په زوره ودول، اقتصادي فقر او ناوړه دودونه یې مهم لاملونه دي.
