جمهورلیک ریاستی نینگ ایکینچی اورین باسری محمدسرور دانش نینگ ایتیشیچه، محکمه‌لرنینگ آچیق شکلده اوتکزیلیشی مملکت یشاوچی‌لری‌نینگ حقوقلرینی تضمین ایتیلیشی‌گه سبب بوله‌دی و عدلی و قضایی اداره‌لرگه قرشی اهالی ایشانچی کوپه‌یدی.
«عدلی و قضایی اداره‌لرده اهالی اشتراکی و آچیق عدالت» نامیده یولگه قوییلگن ملی امانت‌دارلیک ییغینیده جناب دانش نینگ ایتیشیچه، یشاوچی‌لر حقوقلرینی تامین قیلیش اوچون، حکمه‌لرنی آچیق شکلده یولگه قوییلیشی کیره‌ک.
جمهورلیک ریاستی نینگ ایکینچی اورین باسری، مملکت یشاوچیلری نینگ شکایت‌لرینی تینگلش اوچون عدلی و قضایی اداره‌لرگه آچیق محکمه یولگه قوییلیشی اونملی دیر.
اونینگ ایتیشیچه، عدلی و قضایی اداره‌لرده مملکت یشاوچیلری نینگ شکایت لری تینگلنیشی اوچون بیر کمیته ایجاد ایتیلیشی خصوصیده سعی و حرکت قیلینگن.
افغانستان شفافیتی‌نی کوزه‌تووچی اداره باشلیغی باشلیغی سیداکرم افضلی، محکمه‌لرنینگ آچیق شکلده یولگه قویلیشی اوستیگه تاکید قیلیب ایتیشیچه، عدلی و قضایی اداره‌لرنینگ قضیه‌لردن زیان کورگن‌لری بیلن مصلحت قیلگنی‌دن سونگ، معلومات‌لرنی اهالی اختیاریگه قرار بیریشی کیره‌ک.
شفافیت‌نی کوزه‌تووچی اداره باشلیغی نینگ ایتیشیچه، عدلی و قضایی اداره‌لرنینگ جدی اصلاحات‌گه نیازی بار و بو اداره‌لرده اصلاحات کیریتیش کیره‌ک.
افغانستان اساسی قانونی نینگ 128- ماده سی گه کوره، افغانستان محکمه‌لریده، محکمه‌لرنی آچیق شکلده اوتکزیلیشی کیره‌ک و هرکیم نینگ قانون حکومی نی رعایت قیلیش بیلن محکمه‌ده حضور تاپیش حقی بار دیر، بیراق بو ماده حکمی عملی بولمه‌گن.
