افغانستان جمهورلیک ریاستی نینگ ایکینچی اورین باسری سرور دانش تینچلیک سوزلشوولریده سوز ایرکینلیگی سقله‌نیشی اوستیگه تأکیدله‌دی.
جمهورلیک ریاستی نینگ ایکینچی اورین باسری چیت‌ایللیک اداره‌لرنینگ نماینده‌لری و خبرچیلرنینگ بیرقطاری بیلن بیرگه کابل‌ده یولگه قوییلگن خبرچیلرنینگ ملی ایامی‌دن نشانلش مراسمی‌ده اشتراک قیلگن.
اوشبو مراسم ده جمهورلیک ریاستی نی ایکینچی اورین باسری محمدسرور دانش نینگ ایتیشیچه، افغانستان نینگ بوتون اهالیسی و دولت تینچلیک تأمین‌لنیشی نی ایسته‌یدی، بیراق تینچلیک نی اساسی قانون چارچوبه‌سیده ایسته‌یدی و اونده اوتگن 18 ییل یوتوقلری اینیقسه سوز ایرکینلیگی سقله‌نیشی کیره‌ک.
جناب دانش، سوز ایرکینلیگی‌نی اوتگن 18 ییل جریانیده افغانستان نینگ اونملی یوتوقلریدن بیری بیلیب و تینچلیک جریانی گه دخیل تامانلردن تینچلیک سوزلشوولری جریانیده سوز ایرکینلیگی موضوعی گه کوپراق دقت قیلینیشی نی سوره‌گن.
حکومت هردایم مملکت ده سوز ایرکینلیگی سقله‌نیشی اوستیگه تأکیدله‌یدی؛ بیراق خبرچیلردن بیرقطاری نینگ ایتیشیچه، معلومات گه قول تاپیش بولیمی ده حاضرگه‌قدر کوپینچه چیکلاولرگه روپه‌ره بوله‌دیلر.
اوشبو خبرچیلر یالغیز بیر کون‌نی خبرچیلرنینگ کونی گه نامله‌نیشینی ییترلی بیلمه‌یدیلر و حکومت دن معلومات گه قول تاپیش قانونی توغریسیده بیرگن سوزلرینی عمل گه آشیریب و دقیق معلومات نی وقتی بیلن خبرچیلرنینگ اختیاریده قوییشی نی طلب قیله‌دیلر.
خبرچیلرنینگ ایتیشیچه، کوپینچه پیت‌لرده اولرگه نیاز بولگن معلومات فاش ایتیلیشی ملی منفعت‌لرگه زیان ییتکیزمه‌یدی و رسمی‌لر ایسه ملی منفعت‌لرگه زیان ییتکزیش نامی گه معلومات بیریش‌دن چیکینه‌دیلر.
حکومت ایکی هفته آلدین 27- حوت نی «خبرچیلرنینگ ملی کونی» صفتیده نامله‌دی و بو کوندن افغانستانده نشانلنگن بیرچاغده، جاری میلادی ییل‌نینگ بیرینچی اوچ آیی جریانیده خوست، تخار و فراه ولایت‌لریده 4 خبرچی هلاک ایتیلگن.
افغانستان خبرچیلر مرکزی تامانیدن بیریلگن رقم‌لرگه کوره، 1397- ییل مملکت‌ده خبرچی‌لرگه قرشی 92 زوروانلیک واقعه و 64 معلومات گه قول تاپیش چیکلاو دوسیه‌سی رویخط‌گه آلینگن.
اوشبو مرکز تامانیدن بیریلگن رقم‌لر اساسیده، جاری قویاش ییل افغانستانده 18 خبرچی و 2 میدیا ایشلاوچیسی هلاک ایتیلگن.
