افغانستان ملی خوفسیزلیک عمومی ریاستی، داعش گروهی نینگ شرق دور و جنوبی آسیا رهبری، مذکور گروه نینگ باشقه 2 اعضاسی بیلن قولگه آلینگنیدن خبر بیرگن. ملی خوفسیزلیک عمومی ریاستی نینگ ایتیشیچه، داعش گروهی نینگ شرق دور و جنوبی آسیا رهبری شیخ ابوعمرالخراسانی آتی گه تانیلگن ضیاالحق ایکی همراهی بیلن قولگه آلینگن.
بوگون «دوشنبه، 22- ثور» ملی خوفسیزلیک عمومی ریاستی تامانیدن ترقه‌تیلگن خبرنامه‌ده ایتیلیشیچه، داعش گروهی نینگ شرق دور و جنوبی آسیا رهبری شیخ ابوعمرالخراسانی آتی گه تانیلگن ضیاالحق و ایکی همراهی خاص پولیس کوچلر و مذکور ریاست نینگ کوچلرینی قوشمه عملیاتی نتیجه‌سیده توتقونگه آلینگن.
خبرنامه دن نقل قیلینیشیچه، بو عملیات ده داعش گروهی نینگ جنوبی آسیا بولیمی‌نی استخباراتی مسؤولی ابوعلی و عامه‌وی علاقه مسؤولی صهیب توتیلگن.
ملی خوفسیزلیک عمومی ریاستی نینگ خبرنامه‌سیده کیلیشیچه، منطقه و خلق ارا تروریستی گروهلرنینگ رهبرلرینی قولگه آلیش عملیات ترویستی گروهلرنینگ قوشمه تشکیلات‌لری نابود ایتیلگونگه‌قدر دوام ایته‌دی.
اوشبو خبرنامه ده داعش گروهی نینگ اونملی اعضالری قییرده و قچان قولگه آلینگنی توغریسیده هیچ نرسه دییلمه‌گن.
