ننگرهار محلی مسؤوللری‌نینگ ایتیشیچه، اوتگن کیچه امنیتی کوچلر اوشبو ولایت‌نینگ اچین و مومنددره تومن‌لریده بیرعملیات یولگه قویگن و نتیجه‌ده داعش گروهی‌نینگ استخباراتی مسؤولی و 27 اعضاسی هلاک ایتیلگن.
اولرنینگ ایتیشیچه، داعش قومندانلریدن بیرقطاری هم هلاک ایتیلگنلر جمله‌سیدن دیر.
ننگرهار حاکمی‌نی سوزلاوچیسی عطاالله خوگیانی‌نینگ بو خبرنی تصدیق‌لب ایتیشیچه، داعش استخباراتی مسوولی صدیق‌یار اورکزی، اوشبو گروه قومندانلریدن سعید عمر، شاهد و هادی اورکزی هلاک ایتیلگنلر جمله‌سیدن دیر.
عملیات نتیجه‌سیده، داعش 4 مرکزی تخریب ایتیلگن. امنیتی کوچلر و تینچ‌اهالی بو واقعه‌دن هیچ‌قندی زیان کورمه‌گن.
اچین تومنی یشاوچیلریدن بیری‌نینگ سلام‌وطندارگه ایتیشیچه، هلاک ایتیلگن‌لردن کوپینچه‌سی داعش گروهی‌نینگ چیت‌ایللیک اعضاسی ایکنلر.
داعش گروهی حاضرگه‌قدر بوتوغریده هیچ‌نیرسه دیمه‌گن.
