ییتیب کیلگن گزارش‌لرده کرد فدایی گروهی آغیر اوروش‌دن کیین اسلامی دولت گروهی یا داعش‌نی یاقیلغی ماده‌لرگه بای شهر سنلمیش کرکوک‌دن چیقاریش‌گه موفق بولیشگن. اوروش جمعه کیچه‌سی اسلامی دولت گروهی یا داعش کردلیک فدایی‌لرگه قرشی هجوم قیلگن‌ده روی بیرگن. ایتیلیشیچه، مذکور کوچلر داعش‌نی آرتگه چیکینتیریش‌دن تشقری کرکوک شهرینی داعش گروهی اداره سی‌دن آزاد قیلیش‌گه موفق بولگن‌لر. اوتگن آقشام اوتکزیلگن اوروش فدایی‌لر اوچون آسان کم کیچمه گن‌لیگی ایتیله‌دی. فدایی لرنینگ ییگیرمه بیش کیلیش‌لیگ گروهی رهبری شیر کوه فاتح مذکور هجوم‌ده هلاک بولگن. بیر ییل‌دن بیری کرکوک شهریده جایلشگن تورت یاقیلغی ماده میدانی اسلامی دولت گروهی داعش اداره‌سی آستی‌ده بولگنی تصدیق لنه‌دی. داعش مذکور میدان ده‌گی نفت ماده سی‌دن مالی امکانیت‌لرگه ایگه بولیش اوچون اوشبو منبع‌دن دییرلی فایده‌لنگن. عراق نینگ بای به دولت شهر لریدن بولگن کرکوک، اوشبو مملکت نینگ قیرق فایز یاقیلغی ماده‌سی چیت ایلگه انه شو شهردن صادر قیلینه‌دی. بو شهر بغداد نینگ 250 کیلیو مترلیگی‌ده جایلشگن. ایتیلیشیچه، مذکور شهرده ایریم قوم‌لر جمله‌دن عرب‌لر، کردلر و ترکمن‌لر استقامت قیله‌دی.
