آمریکا کنگرهسینینگ تشقی علاقهلر کمیتهسیگه کوره، کیلهجک هفته «پنجشنبه» کونی افغانستان تینچلیگی بوییچه اوشبو مملکت خاص نمایندهسی زلمی خلیلزاد مذکور کمیتهنینگ علنی بیر ییغینیده طالبلربیلن کیلیشوونامه توغریسیده آرتیق تفصیلات بیریش اوچون حاضر بولیشی کیرهک.
آمریکا کنگرهسینینگ تشقی علاقهلر کمیته باشلیغی الیوت اینگل توییتر صحیفهسیده یازیشیچه، جناب خلیلزاد کیلهجک (پنجشنبه کونی 28- سنبله) ایرتهلب ساعت 10 ده مذکور کمیته نینگ استماعیه اتاقیده حاضر بولیشی کیرهک.
اونینگ کوپهیتیریشیچه، اوشبو کینگش جناب خلیلزاد دن توغری شکلده آمریکا و طالبان گروهی آرسیدهگی سوزلشوولر قندی توختتیلگنی نی ایشیتیشی کیرهک.
آمریکا کنگرهسینینگ تشقی علاقهلر کمیته باشلیغی جناب خلیلزادنینگ احضارنامهسینی امضاءلگن بیرحالده، بوندن آلدین اوشبو مملکت تشقی ایشلر وزیرلیگی جناب خلیلزادنینگ حضوری توغریسیده بولگن مذکور کمیته ایستکلری گه توجه قیلمهگن ایدی.
شو توغریده:
آمریکا جمهور رئیسی: طالبان بیلن سوزلشوو ممکن ایمس
آمریکا کنگرهسی خلیلزاد دن تینچلیک کیلیشووی توغریسیده معلومات بیریشینی سورهدی
شونینگدیک بوندن آلدین آمریکا کنگرهسینینگ تشقی علاقهلر کمیتهسی ایکی مرته جناب خلیلزاد دن مذکور ییغینده حضور تاپیش اوچون چقیردی، بیراق او هیچ بیر ییغینده حاضر بولمهدی.
جناب اینگل اوتگن هفتهدهگی نامهسیده ایتیشیچه، آمریکا و افغانستان اهالیسی طالبان و آمریکا آرهسیدهگی کیلیشوونینگ تفصیلاتیدن خبردار بولیشگه حقلی دیر.
شونینگدیک بوندن آلدین افغانستان حکومتی آمریکا و طالبان گروهی آرهسیدهگی کیلیشوونامه آچیقلنیشی نی سورهگن ایدی. جمهور رئیسلیک سرایی آمریکا و طالبان آرهسیدهگی کیلیشوونامهنینگ نتیجهسی توغریسیده اوز خواطری نی بیلدیرگن ایدی.
