کنر محلی مسؤوللری‌نینگ ایتیشیچه، اوتگن کون مذکور ولایت‌نینگ مانوگی تومنیده داعش گروهی ایریا مؤسسه‌سی‌نینگ 12 ایشلاوچیسی‌نی اوغیرلب و نامعلوم ییرگه انتقال بیرگن.
اوشبو خبرنی تصدیق‌لگن کنر حاکمی سوزلاوچیسی عبدالغنی مصمم نینگ سلام‌وطندارگه ایتیشیچه، مذکور کیشی‌لر حکومت‌نی خبر بیرمه‌ی مانوگی تومنی گه بارگن و اوتگن کون ایرته‌لب ساعت 8 اطرافیده اوغیرلنگن.
اونگه کوره، منطقه قوم بویوک‌لری مذکور کیشی‌لرنی قوییب یوباریش اوچون سعی و حرکت قیله‌دی؛ بیراق اولرنینگ سعی و حرکت‌لری حاضرگچه نتیجه بیرمه‌گن.
یوز بیرگن واقعه‌نی تصدیق‌لگن کنر امنیه قومندانلیگی سوزلاوچیسی فرید دهقان‌نینگ کوپه‌یتیریشیچه، مذکور مؤسسه‌نینگ ایشلاوچیلری امنیتی مسؤوللرگه خبر بیرمس‌دن منطقه گه بارگن.
باشقه بیر‌تاماندن، قوم بویوک‌لریدن بیری و کنر ولایت کینگشی سابق اعضاسی نورالدین ساپی‌نینگ سلام‌وطندارگه ایتیشچه، قوم بویوک‌لری‌نینگ سعی و حرکتی نتیجه‌سیده اوغیرلنگن کیشی‌لردن 8 ته‌سی قوییب یوباریلگن و باشقه 4 کیشی حاضرگه قدر قوییب یوباریلمه‌گن.
اونگه کوره، قوم بویوک‌لری‌نینگ سعی و حرکت‌لری نتیجه‌سیده قالگن 4 کیشی هم قوییب یوباریلیشی ممکن.
عین حالده، ایریا مؤسسه‌سی‌نی باشلیغی عارف‌الله عظیمی‌نینگ ایتیشیچه، مذکور مؤسسه‌نینگ هیچ بیر ایشلاوچیسی قوییب یوباریلمه‌گن.
اونینگ ایتیشیچه، اوشبو مؤسسه 8 آی دن بویان مانوگی تومنیده فعالیت قیله‌دی و بو بیرینچی مرته کیم بونده‌ی بیرحادثه‌گه روپه‌ره بولگن.
مسؤوللرنینگ ایتیشیچه، کمیده 3 آی‌دن بویان داعش مانوگی و چپی‌دره تومنیده تلیفونی علاقه‌لرنی کیسگن و شو موضوع باعث، خبرلرگه تیزلیک‌ده قول تاپیب بولمه‌یدی.
عین حالده، محلی مسؤوللر، ایریا مؤسسه‌سی‌نینگ ایشلاوچیلری اوغیرلنگنینی داعش‌گه نسبت بیره‌دی، بیراق داعش و باشقه هیچ بیر گروه حادثه مسؤولیتی‌نی بوینیگه آلمه‌گن.
ایتیلیشیچه، بوندن آلدین مانوگی تومنی‌نینگ تاغلیک منطقه‌لریده طالبلر فعالیت قیله‌دی ایکن؛ بیراق اوشبو تومن یشاوچیلریگه کوره، داعش گروهی‌نینگ فعالیتی بو تومنده کوپه‌یگن.
