جوزجان ولایتی درزاب تومنی نینگ امنیتی اداره‌لر مسووللری، داعش توده‌سی اوچ تینچ اهالینی اولدیرگندن سونگ جسدلرینی بیر قودوققه تشله‌گن لیگینی ایته‌دیلر. اوشبو تینچ اهالی نینگ جسدی بوگون ایرتلب خانه‌دانه‌لریگه تاپشیریلگن.
جوزجان پولیس قوماندانی لیگی نینگ خوفسیزلیک آمری عبدالحفیظ خاشی، داعش توده‌سی مذکور اوچ کیشی‌نی اوتگن هفه چهارشنبه کونی درزاب تومنیده گروگه آلگندن کیین آتیب اولدیرگن دیدی. او، اوشبو شخصلر ملی همده محلی پولیس بیلن هیچ قنده‌ی علاقه‌سی یوق دیگن.
خاشی، درزاب تومنیده داعش جنگریلری نابود ایتیلیشی اوچون تیز آره‌ده حربی عملیات اوتکزیلیشی ممکن دیگن.
درزاب ولسواللیگی نینگ قوش‌تپه ولسواللیگی نینگ نوآباد قیشلاغیده آواره بولگن عایله‌لر، تومنلریده داعش جنگریلری سانی آشگن لیگی همده منطقه‌لری وضعیتی یخشی له‌نیشی مقصدیده حکومت‌نی اعتبار بیرمه‌گنلیگیدن شکایت قیلگنلر.
.jpg)
آواره‌لردن بیری عبدالله نینگ سوزلریگه کوره، کون ساین اوتیشی بیلن داعش منطقه‌لریده کوچلنه‌دی. لیکن، بو جنگریلر نابود ایتیلیشی اوچون حکومت نینگ هیچ قنده‌ی بیر برنامه‌سی یوق.
بدرغه بولگنلردن ینه بیری غلام سخی مرکز حکومت‌دن ولایتلری امنیتی و برقرارلیگی تامین بولیشی اوچون لازم درجه‌ده اعتبار قره‌تیش‌نی طلب قیلگن.
بوندن آلدین ملی کوچلر تامانیدن اوتکزیلگن حربی عملیات نتیجه‌سیده مذکور تومن‌ده جنگری داعش نینگ 8 اعضاسینی اولدیریب باشقه تورته‌سینی ایسه قولگه آلگن ایدی.
جوزجان ولایتی امنیتی اداره‌لری‌نینگ مسووللری، داعش توده‌سی کیشلری اولدیریلگن لیگیدن اوچ (انتقام) آلیش مقصیده تینچ اهالینی اوققه توتیب اولدیرگن دیگن.
