داعش بو حرکت نینگ اوچ اعضاسینی آتیب اولدیرگن. حادثه جوزجان ولایتی‌ده روی بیرگن. جوزجان ولایتی قوش‌تپه تومنی نینگ حاکمی امین‌الله امین، داعش جنگریلری حرکت نینگ قاری قدرت‌الله ناملی قوماندانی شامل اوچ اعضاسینی آتیب تشله‌گن دیدی.
بولرنی بوندن بیر آی آلدین دولت بیلن همکارلیک قیلگن‌لیکده عیبله‌نیب اولدیریلگن. قوش‌تپه تومنی نینگ حاکمی داعش مذکور جسدلرنی اوشبو اولسواللیک‌نی الملیک منطقه‌سیده بیر ویرانگه تشله‌گن دیگن.
خبرنی تصدیق ایتگن جوزجان ولایتی والیسی نینگ سوزلاووچیسی محمد رضا غفوری، داعش‌نینگ اوشبو اعضالری حرکت نینگ انصار ناملی یوقاری مرتبه‌لی بیر قوماندانی طرفیدن اولدیریلگن دیگن.
داعش حرکتی هنوزگچه بو خصوص‌ده بیرار نرسه دیمه‌گن.
