د چارو یو شمېرسنونکي پهدي باور دي چې له ډېرو کلونو راهیسې ځېنې پرديپالې کړۍ د هغوی په لمسون افغانستان کې دننه د نورو ګټو تامینولو لهپاره کار کوي.
د چارو کارپوه کابلخان تدبیر وایي، پاکستان پهدې دلیل، که طالبان افغانحکومت سره سوله وکړي؛ دوی د داعش په نوم بله ډله افغانستان ته استولې او دغه ډله یې دومره ستره معرفي کړې چې د امریکا په ګډون یې ډېر نور هېوادونه یې د ځان لهپاره ستر ګواښ بولي.
د ښاغلي تدبیر په وینا، افغان حکومت کې دننه داسې کړۍ شته چې روسيي او ایراني چارواکي یې دېته وهڅول چې د داعش ډلې مخنیوي په موخه طالبانو سره اړیکې ټینګې کړي او هغوی سره مرسته وکړي چې د طالبانو پهواسطه د داعش مخه ډب کړي.
لهدې مخکې څو ځلې افغانحکومت پر روسیې غږ کړی و چې د طالبانو پر ځای دې له افغانحکومت سره مرسته وکړي.
دا څرګندونې داسی حال کې مطرحېږي چې د ملي امنیت پخواني رییس راحمتالله نبیل هم یوې خصوصي رسنۍ سره په خبرو کې افغانحکومت کې د پرديپالې کړۍ موجودیت او طالبانو نه د روسیې او ایران ملاتړ تاییدوي.
ښاغلی نبیل زیاتوي، ایران سره په رسمي توګه هوکړهلیک لاسلیک شوی چی دوی د داعش د مخنیوي لهپاره طالبانو سره اړیکې ونیسي او مرسته دې ورسره وکړي.
ورته مطالب:
«په افغانستان کې فعال داعشیان، د پاکستان د پوځ ډله ده»
چارواکي: د امریکايي ټانکونو په بدل کې روسیه طالبانو ته نظامي اکمالات کوي
د شمال او په ځانګړي توګه د کندوز په جګړه کې روسیه او ایران ښکېل دي
دغهراز د چارو بل شنونکی محمدحسن حقیار هم وايي، دا کسان د افغانحکومت په لوړو پوسټونو باندې دندې اجراکوي. د ده په باور، دا کار هغه څوک کولی شي چې هم یې په داخل او هم یې په خارج کې خبره وزن ولري.
هڅه مو وکړه چې د دې موضوع په تړاو د حکومت نظر هم واخلو؛ خو له ډېرو سره بیا هم هڅو بریالي نهشو.
دا څرګندونې داسې مهال کېږي چی لهدې مخکې هم یو شمېر سیاستوالو او د ملي شورا غړیو په وار ـ وار داسې اندېښنې په ډاګه کړي چې ګواکې روسان او ایران افغانطالبانو سره مرسته کوي او وسلې یې ورکړېدي.
