نماینده‌لر کینگشی‌گه چقیریلگن تینچلیک عالی کینگشی مسؤوللری‌نینگ ایتیشیچه، کیله‌جک هفته حکومت و طالب‌لرنینگ آره‌سیده تینچلیک سوزلشوولری باشله‌نیشی‌گه امید بیلدیره‌دیلر و شونینگدیک، طالب‌لر بو سوزلشوولرگه صلاحیت‌لی هیأتی‌نی یوباریشی کیره‌ک.
بوگون نماینده‌لر کینگشی، تینچلیک عالی کینگشی‌نینگ دبیرخانه باشلیغی اکرم خپلواک‌نینگ جواب بیریش اوچون کینگش‌گه چقیرگن ایدی.
حکومت و طالب‌لرنینگ آره‌سیده تینچلیک سوزلشوولری باشله‌نیش زمانی، افغانستاندن امریکا کوچلری چیقیشی توغریسیده طالب‌لرنینگ ایسته‌گی بولگن و ولایت‌لردن بیرقطاری، طالب‌لرگه تاپشیریلیش شایعه‌لری، تینچلیک عالی کینگشی‌نینگ مسؤوللریدن نماینده‌لر کینگشی اعضالری‌نینگ سوراقلری ایدی.
تینچلیک عالی کینگشی دبیرخانه باشلیغی اکرم خپلواک‌نینگ ایتیشیچه، مملکت‌ده تینچلیک تأمین‌لنیشی اوچون خلق ارا، ملی و منطقه‌یی جمغرمه ایجاد ایتیلگن.
اونگه کوره، حکومت بیلن طالب‌لرنینگ اوربندی دن سونگ، ملی کینگش اعضالری، جهادی رهبرلر و دین عالم‌لریدن کته بیر جماعت تشکیل ایتیلگن و بو جماعت طالبان گروهی بیلن علاقه قوریب و بو گروه نی تینچلیک سوزلشوولریگه ترغیب ایته‌دی.
خپلواک، ایریم منطقه‌لرنی طالب‌لرگه تینچ منطقه صفتیده تاپشیریش شایعه‌لرنی رد قیلیب ایتیشیچه، هیچ بیر منطقه تینچ منطقه نامی‌ده طالبان گروهی گه تاپشیریلمه‌یدی.
عین‌حالده، تینچلیک عالی کینگشی دبیرخانه باشلیغی ایتیشیچه، کیله‌جک هفته افغانستان تینچلیک خصوصیده 120 اسلامی مملکت اشتراکی بیلن سعودی عربستان ده بیر ییغین یولگه قوییلیشی ممکن.
اونینگ ایتیشیچه، حکومت و طالب‌لر آره‌سیده گی اوربندی اوشبو ییغینده بحث گه آلینه‌دیگن اصلی موضوع دیر.
نماینده‌لر کینگشی باشلیغی عبدالروف ابراهیمی‌نینگ ایتیشیچه، بو کینگش تینچلیک مذاکره‌سی خصوصیده بیر لایحه اوستیگه ایشله‌ب کیلماقده و تیزلیک‌ده مذکور لایحه ملی کینگش گه ارایه ایتیله‌دی.
مملکت تشقی ایشلر وزیرلیگی‌نینگ رسمی‌لری هم، نماینده‌لرکینگشی‌نینگ "چهارشنبه" کونگی ییغینی‌گه اشتراک قیلیب و مذکور وزیرلیک ایشلری توغریسیده، نماینده‌لر کینگشی اعضالریگه معلومات بیرگن.
